我上星期同左女友第一次性交
我自己就第一次，對方就同過ex做過
我自己唔太介意對方有無做過，因為都覺得呢d你情我願
不過我好在意係，明明我係第一次做
但無好似其他人話好快就射
反而好似做左半個鐘都無射到
我第一次做，用dulex 個extra safe 套，因為未試過所以諗住保險買呢個
做個陣其實我係有感覺既，但係好似去唔到話想射既感覺
最後試左好耐就放棄左
我自己好在意呢樣野
因為可能比較對性好奇，又覺得性呢樣野應該可以雙方享受
同對方傾過，佢話之前做落好似唔享受咁，令我有種感覺想去令佢都享受到
之前都打飛機都可以射到
同女友一齊左一陣，個陣都已經少左打…
係緊張，定係身體問題?
我女友話唔介意，但我覺得好似好失敗咁…
第一次有性行為，緊張同不知所措都係好正常嘅。呢種緊張加埋你對性愛嘅期望，多少都會令自己過慮而影響表現。
你係咪第一次用安全套？比起自慰時直接碰觸性器，使用安全套對於男生黎講可能會有種阻隔嘅感覺，無咁敏感就會覺得唔夠興奮。
性愛我覺得係件practice makes perfect嘅事，無需要將個expectation定到好高，屢敗屢試，慢慢就可以拿捏得好好。既然女朋友唔介意，咁就放膽去享受吧。絕對唔係你身體有問題。
無論性交，用套都是第一次
咁我都想再做既，有種唔份氣既感覺
係唔知女友肯唔肯短期內再做…
又唔想好似次次上親黎就想做既感覺
心態上千祈唔好唔憤氣，對自己太高期望反而會招致更大心理壓力。
見你都想對方享受 我好認同你覺得性要顧及雙方 雖然依次你冇射到 但你覺得對方有冇享受到?
雖然佢成日都會扮野話"唔知呢~"
但我諗有掛…
呢層唔識分辦
咁你都係「初心者」, 都要慢慢學習伴侶嘅反應係點。如果真係唔明白, 可以事後再同女朋友傾返, 由佢個角度話你知點樣為之舒服同享受。
係呀 長遠落去唔知呢嘅答案唔可以令你哋性生活美滿伽 你可以自己分享先 令佢冇咁怕羞等