話說尋日去男朋友屋企，佢就用兩隻手指幫我，懷疑佢期間偏大力，依家下面間唔中有少少痕痕地，間唔中想搲下，痛就冇乜感覺，不過痕既感覺唔明顯，係咪正常？好驚同其他發炎徵兆撈亂
Hello~多謝你嘅提問
呢度都會想問吓你男朋友幫你之前有冇清潔雙手同埋剪指甲呢？因為如果你男朋友嘅指甲偏長，同埋冇洗乾淨嘅話，咁如果佢太大力刮損咗陰道嘅內側，就好有機會造成細菌感染，有機會導致陰道炎。因為陰道嘅內側係好脆弱嘅，有陣時性行為嘅過程裏面太激烈都會整到陰道出血。如果個傷口比較細嘅話，可能唔會留意到有出血。暫時來講，會建議你嚟緊嘅3-5日都唔好再進行性行為，俾啲時間傷口去痊愈。與此同時都要留意吓分泌物嘅情況，如果發現分泌物嘅顏色有改變，例如變黃或者變綠，或者質地變得好似蛋白豆腐渣狀咁，咁就有機會係發炎嘅症狀。
發炎除咗會痕之外，仲會有灼痛嘅感覺，如果而家剩係得痕癢嘅話，就千其要忍住，唔好R佢，因為手指甲係會收埋好多污糟嘢嘅，R可能會加速細菌感染。最後，會建議你最近多啲清潔陰部，頻密啲更換衛生巾或者護墊，同埋着全棉，吸汗同埋透氣嘅底褲， 避免細菌/念珠菌繁殖
。
好的
唔該曬🫶🏻
1個讚