你好呀，我已服用優悅避孕藥3個月
3個月都冇試過出現異常出血情況。
今日原應該食第四包嘅14粒。食之前一小時去廁所時發現好似啱啱嚟M咁，底褲有血，抹時都有血。
請問係唔係正常？因為今日先係月經週期嘅第15日。我月經週期好有規律，食藥前都冇試過經期中間嚟M/出血，食避孕藥後永遠都係食第28粒個日嚟M，另外我每日都準時5點食藥。呢幾日都冇肚柯肚瀉/嘔？唯一諗到嘅問題係自己有時用非水嘅飲品送藥
有啲擔心係藥效冇左？定係有其他問題？
謝謝。
補充一下，因為我見好多都話食咗三個月身體會適應到，但點解我會喺第四個月中間先會嚟發生呢啲情況
我都會繼續觀察出血情況。
Hello~多謝你嘅提問
如果每次都有準時食，又冇漏食嘅話，咁藥效係建立咗嘅（就算用非水嚟送藥都係一樣），唔需要擔心懷孕。
睇返你嘅情況，出血可能係因為性行為嘅過程太激烈，導致陰道輕微受損，或者因為手指指甲刮損。可以留意下個出血量同質地，如果係陰道出血嘅話個血量會比月經少，質地亦都會比較流動。呢個情況係唔需要睇醫生嘅，通常3-5日個傷口就會自動癒合。不過，喺呢段時間就要避免進行性行為，注意清潔，頻密啲換護墊/m巾，以防細菌感染，導致陰道炎。
不過如果個血量比較多，真係好似嚟月經咁嘅話，咁可能係因為你食緊嘅呢隻避孕藥荷爾蒙劑量唔夠高，keep唔到身體嘅荷爾蒙係一個高嘅水平，所以未到停藥期已經出現撤退性出血。如果係咁嘅話就要約醫生/家計會姑娘覆診，睇吓需唔需要轉過第二隻藥。
希望以上嘅資訊幫到你🫶🏻
我對上性行為已經3日前，不過有機會係之前嘅性行為太激烈？
同呢幾日有用震蛋，可能因為咁損左？但又唔覺得痛
但血量的確冇嚟M咁多，第一次發現是血色睇嘅時候係鮮紅，量亦不多，一小時後得返小小啡紅色。
咁可能因為個震蛋嘅邊緣唔係好圓滑，所以整損咗陰道內側。Feel唔到痛有機會係因為個傷口比較入，或者個傷口比較細，只要俾啲時間佢恢復就OK 㗎啦，唔使擔心
1個讚
好呀，唔該晒你，我再觀察下先。
1個讚