食左Microgynon(21日）都有2-3年
12月4號食第一粒,直至到12月27號黎M
1月2開始完 3號就已經冇血
不過就有啲黎m後既分泌物
1月8(日)號先食第一粒
1月9(一)號發生性行為內射 （當日冇食藥）
1月10(二)晏就補食，期間都有發生過性行為冇內射.
晚上按照返大概時間食10號藥.
1月11(三) 同樣晚上按照返大概時間食11號藥.
其實我想知我而家呢個情況懷孕嘅機會大唔大？
另外我想問如果我keep住一路按照返個大概時間食
亦都唔會有補食嘅情況下，食唒全部.
懷孕嘅機會係咪會減少？
Hello你好啊，多謝你同我地分享你嘅擔憂。
因為你已經食咗避孕藥一段時間（2-3年），所以身體已經建立咗藥效㗎喇，就算。其實依加口服避孕丸嘅成效都好高，避孕成功率已經係可達99.7%（perfect use，完全正確使用），及91%（typical use，一般使用），完全正確使用即係服用前有徵詢醫生意見、每日準時服藥、無漏食藥等。
睇翻Microgynon嘅說明書，佢嘅補食時間係12小時內，即係呢段時間內補食（即係食兩粒藥）的話，避孕效果係唔會受到影響。如果漏服嘅時間延遲左超過12小時，避孕效果就有機會降低。
見到都有喺補食時間內食翻避孕藥，避孕效果應該無影響嘅，所以就唔需要食事後藥嘅。如果無及時補食或者漏食兩日以上，有可能影響到藥效，就有需要食事後藥喇。
避孕藥嘅原理係透過抑制排卵，改變子宮內膜環境，令受精卵無法著床，所以只要喺補食時間內補食，維持荷爾蒙水平，唔會降低到有排卵同子宮內膜增厚嘅情況岀現，如果避孕效果降低嘅話，就可能會岀現撤退性岀血，代表身體恢復排卵，見到你都無依個情況，所以避孕效果應該係維持到嘅。
如果想確實知道有無懷孕嘅話，可以喺性行為嘅11日後進行驗孕，結果就好準確㗎喇。
咁即係話，其實如果我食咗兩三年體內一直都有藥效嘅話， 好似今個月嘅8號先食第一粒，9號內射,咁其實會唔會遲咗？懷孕嘅機率高唔高
因為microgynon係21粒嘅劑型，需要每日吃一粒，吃完21日停7日，下一包喺停藥嘅第8日開始服用，大約依照食3個禮拜、停1個禮拜嘅邏輯嚟服用。如果你中間冇漏食，又冇停過藥。咁你喺任何一日內射，個懷孕機率都係好低嘅，唔洗擔心。
照你咁講嘅意思，
即係如果我8號先開始食第一粒嘅話
9號內射咗，照keep住食唔好漏就冇事？
個意思係如果你食藥嘅呢2-3年，一直冇停過藥（即刻keep住食完一排，停一個星期嚟「月經」，再開新一排），咁只要你呢個月keep住食，就唔會有問題。