避孕藥食法

我係食24+4果隻藥
紅色果隻我仲有7粒,
14號開始食去到20號就食完紅色果粒
但21號同條仔搞 唔帶套+內射會唔會懷孕?
21號當日食白色果粒
而21號開始就食餘下4粒白色
同埋當日食白色果粒 是否不影響避孕?

係咪正常食哂紅色 黎經都係3-4日先會黎?
想問24+4 餘下果4粒係咪唔食都得 定要食埋佢?
食完果4粒就要第二日開始食下一包?

Hello~如果你係第一次食避孕丸嘅話,建議你喺月經嘅頭五日開始服用,咁就只需要喺服用嘅頭一個星期內配合外用嘅安全措施。但係如果你唔係喺月經嘅頭五日內服用,咁開始食嘅頭兩個星期都需要配合外用嘅安全措施,先至可以保證到避孕嘅效果。因為避孕藥嘅藥效係需要時間去建立嘅,所以如果你14號先至開始食嘅話,而嗰日又唔係你月經嘅頭嗰五日,咁你21號無套內射就有機會導致懷孕。不過如果你已經食咗一排,即係個藥效已經建立左嘅話,咁就唔需要擔心懷孕。

而24+4避孕藥嘅食法係食完20粒有藥效嘅藥丸,之後再食4粒冇藥效嘅藥丸,每日準時服用,食完一排之後就接住開新嘅一排。而嗰4粒白色嘅藥丸係冇藥效嘅,所以其實食唔食都得。不過呢款藥嘅設計就係想用家習慣每日都要食藥,減少漏食嘅機會。而正常嘅情況下,當開始食白色嘅藥丸,身體嘅荷爾蒙水平就會開始下降,引致撤退性出血,即係所謂嘅「嚟M」。不過啱啱開始服用避孕藥嘅頭3個月,月經周期都係會冇咁規律嘅,所以遲幾日嚟都係好正常嘅。

如果有需要嘅話,你都可以選擇服用事後丸。不過要留意事後丸喺香港係屬於醫生處方藥物,而且有分性行為後72小時或者120小時內服用兩種。而24小時內服用效果最好,所以如果需要,就要盡快揾醫生求診。可以選擇去家計會診所、普通私家門診或者婦科診所。詳情可以參考返家計會網站:緊急避孕 - 香港家庭計劃指導會

當然,如果你唔想食事後丸嘅話,你亦都可以考慮喺性行為之後嘅7-11日進行驗孕,到時會有初步嘅結果。而過咗11日先驗嘅話,個結果就最準確。

希望以上嘅資訊幫到你🫶🏻。

我係月經黎既第4日食,已經食左17日 兩個星期多少少,20號已經食哂所有紅色 所以我21號搞的話 都不會懷孕對嗎:thinking:

如果已經食咗17日,咁可以好肯定個藥效已經建立咗,就算你21號內射都唔需要擔心懷孕。不過,我哋追求嘅安全除咗係避免懷孕之外,仲包括避免性病嘅傳染,而事前避孕藥係冇辦法預防呢樣野嘅,唯獨使用安全套可以有助減低性病嘅傳染。但如果你同另一半有定期做性病檢查嘅習慣,咁就冇問題啦!

同埋想問下, 我係月經黎第4日先開始食避孕藥
20號就已經食哂紅色果粒 淨返白色4粒
咁21號食返白色 係咪當日就會即刻黎月經?:pray:t6:
定係隔多幾日先黎?

同埋一般見佢有分21粒 有分28粒
而21粒紅色食哂 之後停藥7日 咁咪會冇左本身建立既避孕功效?:thinking: 一般冇食幾耐避孕藥就已經冇左避孕功效?

Hello~首先同你解釋返避孕藥嘅原理先,避孕藥係通過人造荷爾蒙去抑制排卵,改變子宮頸黏液嘅粘稠度,同埋改變子宮內膜環境,從而達致避孕嘅功效。所以,喺避孕藥嘅影響下,唔會好似平時月經咁,因為身體週期性荷爾蒙變化、排卵、然後未受精嘅卵子連同子宮內膜喺月經期間排出體外;服藥期間出現嘅「月經」其實係「撤退性出血」,即係服用活性藥物(24粒粉紅色藥丸)期間,有荷爾蒙,而服用非活性藥丸(4粒白色藥丸),其實冇荷爾蒙成份,而呢個荷爾蒙變化(下降)就會令到子宮內膜脫落,出現出血現象。而當你食完4粒白色之後食番紅色,荷爾蒙水平就會再次升高,抑制排卵。所以得第一次服用嘅時候需要預留建立藥效嘅時間,因為唔肯定身體排咗卵未(月經同排卵期可以重疊)。之後就唔需要再喺頭一個星期配合外用嘅安全措施。

另外,當身體適應咗藥物之後,避孕藥會令到「月經」好規律嘅,通常食第1/2𨋢白色就會嚟。不過服藥初期(頭1-3個月)會相對唔穩定嘅,遲遲都唔嚟都係有可能嘅。總之按照以上嘅食法:

就可以確保藥效持續,避免懷孕。🫶🏻

1個讚

感謝你以上答覆:pray:t6:
想問通常月經係28日之後黎一次架可?
應該唔會早黎? 我只係怕我食哂紅色
到搞果日食返白色 會即刻黎經 會唔會:face_with_open_eyes_and_hand_over_mouth:

如果黎經可唔可以性行為?

如果唔係食緊避孕藥嘅話,月經周期係好浮動嘅,28日只係中位數,21-35日黎一次都係正常嘅。

不過,有食緊避孕藥嘅話,好似我上面咁講

而有食避孕藥嘅話,多數都唔會早嚟嘅,通常都係食緊白色先會嚟。而因為食緊避孕藥,身體係冇排卵嘅,所以就算喺嚟緊「月經」嘅時候搞,懷孕機會都係好低嘅。不過,喺嚟緊「月經」嘅時候搞細菌感染嘅機會係高啲嘅,所以如果真係想喺呢段時間做,就一定要做好清潔。

唔知延唔延經好 食多2日避孕藥延經
因為怕當日搞既時候黎經 雖然自己經期本身唔准
我係食避孕藥既第一個月 聽你講就話頭1-3個月經期都唔穩定…

所以我依家苦惱緊食多2日避孕延經好 定唔食呢
食多2日經期又再亂…但怕食多2日白色 當日黎經就搞唔到:woman_facepalming:t6::woman_facepalming:t6::woman_facepalming:t6:

佢唔黎經 我就可以照搞既
食多2日白色 係咪避孕效果仲有? 好驚食完24粒紅色之後 食到白色第二日搞冇左避孕功效:woman_facepalming:t6::woman_facepalming:t6:

同埋因為自己計算經黎 係28日之後就係22號
而22號會搞 就係果日怕黎月經搞唔到
到底食多2日延經好定點呢
延經會唔會好煩?
如果食多2日 係咪當想停就食返白色?
但果2粒紅色 就係開始食新既一排果度開多2粒放返入去果2日意思 黎填補24+4既日數?

延經2日:28(2)+4= 30紅色+4粒白色
食新一排: 22+4 因食新果排冇左2粒 我係咪要係另一排新放多2粒過去?

其實如果你唔肯定嘅話,可以查詢吓醫生嘅意見。如果你自己自行決定食多兩粒紅色嚟延經嘅話,其實係唔理想嘅。因為身體有機會適應唔到,好似你咁講,有機會令到「月經」變得唔規律,可能需要較長嘅時間先至調節到。所以我哋呢度係 唔建議你食多兩粒 嘅,因為我哋唔肯定你嘅身體會點樣反應。除非問咗醫生嘅建議(而醫生話ok),如果唔係都係按照返24+4嘅模式食會比較好, 千祈唔好自己亂加藥或者減藥

如果真係嚟「月經」嘅話,其實都會建議你哋等到嚟完月經之後/得返少少血嘅時候先至搞。食咗避孕藥之後嚟嘅「月經」好似我上面所講係「撤退性出血」,血量會比較少,嚟嘅日數都會比起你之前短,所以唔好急於一時啦!

1個讚

24+4 淨低4粒白色4日可以唔食
咁我停食4日會唔會冇左避孕功效?
我睇網上話3日內如漏食就會冇左

我已經食左24日避孕藥 冇漏食而準時食 已經建立左功效,淨返果4日既白色 我諗住果4粒唔食 即停藥4日
即係係咪唔會係停藥4日就冇左避孕功效?
停藥4日搞 避孕功效有 冇問題?:pray:t6::pray:t6:

唔好意思 我知我好煩 問完又問 但因為初次食好驚會有左:face_exhaling::face_exhaling:

24+4嘅避孕藥係由24粒有藥效嘅藥丸同4粒冇藥效嘅藥丸所組成。所以白色嗰4粒其實係冇避孕效果嘅,只係糖嚟,食唔食都得。佢嘅設計係想用家習慣每日都要食藥,減低食漏嘅機率。而好似我上面咁講

即刻話食咗避孕藥之後就唔會再排卵。第一次服用嘅頭1-2個星期之所以要配合外用嘅安全措施係因為唔確定身體排咗卵未。但當你已經食咗成個月藥,可以肯定冇排卵。而停藥嗰4日係畀已經增厚咗嘅子宮內膜一個脫落嘅機會,即係上面所講

因為出血嘅呢4日係唔足以令卵巢裏面嘅卵子成熟,並排出嘅。所以停藥嘅呢4日係唔會影響避孕效果嘅。網上所講漏食3日就會冇咗,係指連續漏食3𨋢紅色有藥效嘅藥丸,同白色藥丸無關

1個讚