會唔會係有咗?

女朋友經期遲咗一個星期仲未到
(上次係12月5日,再之前係11月1日)
但一個星期之前已經有啲嚟M嘅先兆,例如係M痛
不過到依家都未嚟
今日乳房有啲脹

佢講返話白帶數量同經痛頻率都冇以往咁多
會唔會有咗定純粹因為生活習慣有變影響到生理時鐘先咁樣?

Hello~月經延遲嘅原因有好多,體重過輕,壓力大,生活唔規律…都會導致月經遲嚟。除非月經比起平時遲咗三個星期以上都未嚟,先至需要睇醫生,等醫生考慮會唔會處方荷爾蒙藥物畀你女朋友去催經。

不過大前提係你哋呢一個月冇進行任何唔安全嘅性行為。如果有嘅話,你哋可以喺嗰次性行為之後7-11日進行驗孕,到時會有初步嘅結果,而因為你女朋友嘅月經已經遲嚟咗7日,所以而家驗孕嘅話,個結果就已經足夠準確。如果係一條線嘅話,就可以放心等月經來啦!

女朋友最後隔咗四十五日先嚟M
流血流咗三日
第一日流嘅血係正常份量,係需要更換M巾嘅量
想問咁樣係咪可以確定唔係着床出血?

Hello~因為著床出血係指當受精卵着床喺子宮壁嘅時候有機會造成嘅少量出血,通常只會有幾滴或者最多一塊護墊可以承載到嘅血量,而且係一次性,唔會持續地出血幾日,血嘅顏色亦會同月經嘅唔一樣。一般由受精到着床大概係性行為後六至九日就會發生。而着床性出血並唔係一個常見嘅現象,即使真係因為懷孕都係只有少部分女性會出現嘅情況。

因為你話你女朋友

所以好肯定唔係着床性出血,唔使擔心🫶🏻