好驚第一次食事後丸!

同男朋友晏就5點到夜晚8點無套內射左2次
夜晚9點/10點即刻去睇醫生
醫生開左一隻anlitin事後丸!即刻食左
但第1次食所以想知係點ga/會快黎M?
我短時間內服用事後丸係咪阻截率比較過?
好驚…擔心!

Hello~:heart:首先同你講返事後丸嘅原理先:事後丸含有高劑量人造荷爾蒙,透過唔同嘅途徑去緊急避孕,包括:抑制排卵、增加子宮頸黏液分泌令精子難以通過、改變子宮腔環境令受精卵難以著床。而事後丸有分72/120小時兩種,而愈快服用效果愈好,唔安全嘅性行為之後24小時內服用最好。而因為事後丸係醫生處方藥物,所以好欣賞你哋即使咁夜都去搵醫生處方啊~

通常食完事後丸之後2~7日就會出血,但亦都有可能照原本時間正常嚟,或者遲遲都唔嚟。食完事後藥後嘅岀血係因為子宮內膜剝落所導致嘅,即使有排卵,都可以令受精卵跟住內膜一齊排出,避免懷孕,依一次嘅岀血算係月經(因為無受精卵著床),所以月經週期都可能會受影響,下一次月經嘅日期都會受影響,例如上一次月經係10月2日,10月15日使用事後避孕藥,10月17日出血,咁下次月經應為11月17日左右。不過因為食完事後藥有機會出現流啡嘅副作用,並唔計為一次月經嘅,所以如果有出血嘅話,記得要留意出血量同日數。而流啡嘅血量係好少嘅,而且流血日數較短。

不過要留意事後丸係唔可以作為常規嘅避孕方法,只可以作為一種補救措施,且其避孕有效性遠不如其他規律使用嘅荷爾蒙避孕法(如避孕藥)。而喺服用緊急避孕藥之後,呢個月經週期剩餘嘅時間,同埋之後嘅日子,都一定要使用其他高效嘅避孕方法先可以避免意外懷孕。

最後,都想提醒翻,一次月經週期最多可以食一次事後藥 ,建議你之後要做好安全措施,例如使用安全套,事前避孕藥等,避孕成效會高好多,亦都冇咁傷身🫶🏻。