感激 求解答

Hello,
31&1號同男朋友stage4, 有摸有係外陰附近磨但冇插入,男朋友亦都冇射。知道佢有precum, 好擔心佢摸到precum後指插會有機會懷孕:(
平時period 好準(最後經期係8/12開始), 每次around 28-32日,但今次遲咗一個星期都未有,12/1有做pregnancy test(屈臣氏牌)係一條線,但後尾發現佢説明書話 “注意不要讓尿液超過藍色箭頭” 我又冇留意到,個pregnancy test係唔係唔valid? 諗住聽日(14日後)再做。求指教,藍色位係咩?
Ps 16/12中咗covid 都用咗10日先變返一條線,會唔會影響個週期?
已經好後悔:sob::sob::sob:每日都訓唔著,唔想傷害到生命

Hello~多謝你嘅提問:heart:首先,精子暴露喺空氣中通常幾分鐘內就會死亡,而且精子需要有精液嘅保護先可以生存,所以當接觸到皮膚、紙巾等表面嘅時候,精液會被吸收同揮發,進一步減低精子嘅存活率,所以就算前列線液含有少量精子,經你男朋友嘅手而導致懷孕係唔大可能嘅。除非佢接觸到尿道球腺液 (pre-cum)/精液,又喺液體未乾嘅情況下就接觸陰部,先有懷孕嘅風險嘅。不過總括嚟講懷孕嘅風險都係唔高嘅。

而喺性行為之後11日驗孕,個結果就已經足夠準確,所以你係冇懷孕嘅。不過如果你擔心嘅話,可以再驗多次。驗孕棒個藍色位應該係指幅圖左邊第五格嗰個格仔。佢份說明書咁講係因為如果尿液掂到驗孕棒太高嘅位置,就有機會唔準。所以如果你聽日跟着說明書嘅指示驗多一次,都係一條線嘅話,就可以確定係冇懷孕。

至於月經延遲嘅原因有好多,體重過輕,壓力大,生活唔規律…都會導致月經遲嚟。除非月經比起平時遲咗三個星期以上都未嚟,先至需要睇醫生,等醫生考慮會唔會處方荷爾蒙藥物畀你去催經。現階段可以再等下先🫶🏻。

你好呀,今日day14再驗都係一條線(用咗萬寧牌同clearblue), 其實驗孕係唔係最好用晨早小便?今次係隔咗4個鐘,同埋3個鐘內冇飲任何野,唔知係咪都算準確?

Hello~驗孕棒其實係透過尿液測緊hCG嘅水平。hCG是卵子受精著床之後身體會產生的一種荷爾蒙。如果真係懷孕,當受精卵著床,身體就會分泌呢種荷爾蒙。通常驗孕會建議用晨尿係因為裏面hCG嘅濃度較高,會比較快出到個結果。不過,其實唔用晨尿都一樣可以驗到嘅,而個結果都係一樣準確,純粹可能會遲少少先出到個結果。所以你今日check到一條線,已經可以好肯定你係冇懷孕嘅,可以放心:relaxed: