昨日(1/15)早上及下午與女友有進行戴套性行為，昨日為女友周期第11天(危險期)，下午第二次性行為時，與女友前戲後，準備要進行插入前，有先去廁所將龜頭上的precum清洗掉，但接著走回到床邊時，因為陰莖稍微有點硬度不足，所以又再次用左手套弄，女友接著幫我無套口交，3分之後我才戴上安全套進入陰道，戴安全套都有按照流程小心 (小心撕開、捏住儲精囊排開空氣再下拉)，最後也拔出來射左精，事後也有灌水檢查安全套，唔穿左，想請問:
麻煩解答，多謝!
Hello 好欣賞你有正確用安全套進行性行為，之後都有灌水檢查。
至於你嘅情況，因為其實精子嘅生命力好低，所以你嘅兩個情況會導致懷孕嘅機會都比較小。
首先，就着第一個情況，精子係要透過精液或者尿道球腺液（pre-cum）先可以生存到同移動到。如果你嘅pre-cum係空氣中已經一段時間，或者已經乾咗，基本上精子都已經失去咗生命力，而且幾分鐘之後都只係再掂到安全套，然後再進行陰道交，而唔係直接接觸陰道，所以基本上都唔會有懷孕風險。
然後，第二個情況，其實pre-cum自己本身係冇精子係入面，佢會有精子只係因為佢會將尿道入面本身殘餘有嘅精子，係尿道口一齊滲出，所以精子含量都會比較低。係口交之後，即使仲有精子都好，你嘅pre-cum已經同女友口水混和咗，然後先再接觸安全套，再進行陰道交，呢個咁間接嘅過程，咁脆弱而少量嘅精子都好難會導致懷孕，所以都唔使太擔心。
不過見到你提到危險期呢樣嘢，都提一提醒返，如果未來打算靠計算安全期危險期作為避孕方法都唔係咁可靠，因為安全期危險期呢啲好多時都係要等月經出現咗之後向前推算返日子，而月經經常會受唔同嘅因素影響而可能提前或者推遲咗出現，而且排卵期嗰陣時都未必咁準確時間出現。所以如果未有生育計劃嘅話，都會建議採取其他嘅避孕措施。
希望呢到嘅解答可以幫到你。
多謝你回答，放心左許多，也多謝提醒危險期同安全期嘅不安全性，我都明白嘅!會提起只是因為擔心目前女友處於危險期，係咪即便全程戴左condom亦有風險?因為實在看過網上太多全程都有戴安全套，亦都有事後檢查個套唔穿，卻依然懷孕嘅案例，都令我好驚，也都想問問呢種可能性存在嗎?
我諗你提及嘅嗰類型案例都屬於好少數，始終尿道球腺液所含嘅少量精子都有機會導致懷孕。但睇返你嘅情況就唔需要太擔心，就好似上面嗰位同事所講，精子嘅存活率好低，而即使女朋友係處於危險期，其實整個過程都有佩戴安全套已經可以大大減低意外懷孕同患上性病嘅風險。但如果你都係好擔心，可以考慮喺性行為後11日進行驗孕。因為驗孕棒係透過檢測尿液中嘅hCG (人絨毛膜促性腺激素)含量，呢款激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確
驗孕嘅建議我會考慮，不過怕女友話我大驚小怪
亦怕造成佢壓力，可能只能先耐心等待，雖然依然擔心焦慮，不過亦都多謝你們清楚同耐心嘅回覆，都令我放心許多！
不好意思，又有問題請教，之後女朋友在性行為(1月15日)後第15日有黎M(1月31日到2月5日)，佢話前三天嘅量如往常嘅M相同，第四天開始減少，直至第六天剩左一點，第七日乾淨，但佢話第四日開是至第六日嘅量相對往常同時段有少一些，同埋佢話有腹脹排氣嘅情況，且持續至M走後，現在也還有，想請問這樣係正常黎M嗎?我驚佢係咪黎假M，會不會還是有懷孕嘅可能?
Hello~
跟住你所講嘅情況，你女朋友係冇懷孕嘅，可以放心。因為所謂嘅「假性月經」，即著床性出血，係受精卵著床後所發生嘅植入性出血，並唔係真正月經，通常呢個現象會發生喺懷孕嘅頭三個月。但著床性出血唔係正常子宮內膜剝落而產生嘅月經，所以它嘅狀況同一般月經唔一樣，血量少、顏色比較淡，大約係一塊護墊都裝得晒嘅量。而且時間比較短（大約2-3日），大多數孕婦只會出現一次著床性出血，極少數會出現2-3次。所以你女朋友嘅情況係已排除著床性出血，屬於正常生理期月經嘅情況。
而經血量係受住好多因素影響嘅，例如生活作息，飲食習慣，情緒壓力等。月經嘅日數一般係3~7日。 若1~2日就完嘅先可以稱為月經過短，持續長達8天以上嘅就稱為月經過長。睇返你女朋友嘅情況
毫無疑問係屬於正常嘅情況，所以可以放心。
至於腹脹，有機會係因為腸胃問題，例如胃氮，便秘，消化不良等原因。當然亦都有可能係心理因素影響所致。雖然市面上冇100%安全嘅措施（除非唔進行性行為），但只要正確使用安全措施，避孕成功率可以達到90%以上（荷爾蒙避孕法成效可達97%），所以唔需要咁緊張，放鬆心情最重要🫶🏻。
多謝妳嘅詳盡解答，放心不少！另外想請問一個問題，佢今次M有血塊，雖然佢往常好少出現，但我睇過網上資訊仲有講血塊嘅出現係黎M嘅特徵，假M唔會有血塊，此條資訊係咪正確？
另外想問，依照妳嘅回覆，我女朋友係黎左M，我聽女仔M有血塊係身體有勞累虛弱嘅狀況特別會發生，係咪有方法可以調養，唔該曬！
月經出現血塊係因為當血流太快同血量太大嘅時候，經血裏面嘅纖維蛋白溶解酶嚟唔切溶解經血裏面嘅纖維蛋白，導致血塊嘅出現。呢種情況係好普遍嘅，唔係代表身體有疾病，亦都唔係代表身體勞累虛弱。常見嘅成因有兩種：
經血不暢導致 ——經血不暢會導致大量嘅血液喺體內堆積之後形成血塊，經期排出像肉一樣、果凍狀嘅血塊，大部分會出現喺久坐不動嘅人身上，長時間久坐不動會導致血液循環受阻，甚至還有可能會導致經血量增加，當經血沒有順暢排出就有機會凝固成塊。
月經量過多導致 ——嚟月經嘅時候出現血塊，亦同出血量同埋出血速度有關，如果出血量比較大，就容易凝結成血塊。而子宮內膜脫落過程中嘅碎片都會同血液裹挾在一起，形成一坨一坨嘅「果凍」，所以，月經量多嘅人喺經期更容易出現經血中攜帶血塊嘅狀況。
如果想減少血塊嘅形成呢，除了適當嘅運動唔要久坐之外，仲可以「飲多啲熱水」。雖然很多女仔對呢句說話深惡痛絕
，但咁做確實可以促進腹部嘅血液循環，將瘀血排出，從而減少經血堆積，減輕經血不暢導致嘅經期不適症狀。
希望以上嘅資訊幫到你🫶🏻