求問 係咪有危險??

昨日(1/15)早上及下午與女友有進行戴套性行為,昨日為女友周期第11天(危險期),下午第二次性行為時,與女友前戲後,準備要進行插入前,有先去廁所將龜頭上的precum清洗掉,但接著走回到床邊時,因為陰莖稍微有點硬度不足,所以又再次用左手套弄,女友接著幫我無套口交,3分之後我才戴上安全套進入陰道,戴安全套都有按照流程小心 (小心撕開、捏住儲精囊排開空氣再下拉),最後也拔出來射左精,事後也有灌水檢查安全套,唔穿左,想請問:

  1. 我洗完龜頭上的pre-cum後,再用左手套弄不確定有沒有手沾到新流出的pre-cum ,女友口交後過3分戴套時,手上若有沾到一點pre-cum(感覺乾左,但唔確定),戴套時會不會因為沾到安全套外層,導致陰道交有懷孕風險?
  2. 女友幫我口交後,我戴套時若手有沾到女友幫我口交後產生的pre-cum與口水的混和物,會不會因為安全套沾到pre-cum與口水的混和物,在陰道交時有懷孕風險呢?

麻煩解答,多謝!

Hello 好欣賞你有正確用安全套進行性行為,之後都有灌水檢查。

至於你嘅情況,因為其實精子嘅生命力好低,所以你嘅兩個情況會導致懷孕嘅機會都比較小。

首先,就着第一個情況,精子係要透過精液或者尿道球腺液(pre-cum)先可以生存到同移動到。如果你嘅pre-cum係空氣中已經一段時間,或者已經乾咗,基本上精子都已經失去咗生命力,而且幾分鐘之後都只係再掂到安全套,然後再進行陰道交,而唔係直接接觸陰道,所以基本上都唔會有懷孕風險。

然後,第二個情況,其實pre-cum自己本身係冇精子係入面,佢會有精子只係因為佢會將尿道入面本身殘餘有嘅精子,係尿道口一齊滲出,所以精子含量都會比較低。係口交之後,即使仲有精子都好,你嘅pre-cum已經同女友口水混和咗,然後先再接觸安全套,再進行陰道交,呢個咁間接嘅過程,咁脆弱而少量嘅精子都好難會導致懷孕,所以都唔使太擔心。

不過見到你提到危險期呢樣嘢,都提一提醒返,如果未來打算靠計算安全期危險期作為避孕方法都唔係咁可靠,因為安全期危險期呢啲好多時都係要等月經出現咗之後向前推算返日子,而月經經常會受唔同嘅因素影響而可能提前或者推遲咗出現,而且排卵期嗰陣時都未必咁準確時間出現。所以如果未有生育計劃嘅話,都會建議採取其他嘅避孕措施。

希望呢到嘅解答可以幫到你。

多謝你回答,放心左許多,也多謝提醒危險期同安全期嘅不安全性,我都明白嘅!會提起只是因為擔心目前女友處於危險期,係咪即便全程戴左condom亦有風險?因為實在看過網上太多全程都有戴安全套,亦都有事後檢查個套唔穿,卻依然懷孕嘅案例,都令我好驚,也都想問問呢種可能性存在嗎?

我諗你提及嘅嗰類型案例都屬於好少數,始終尿道球腺液所含嘅少量精子都有機會導致懷孕。但睇返你嘅情況就唔需要太擔心,就好似上面嗰位同事所講,精子嘅存活率好低,而即使女朋友係處於危險期,其實整個過程都有佩戴安全套已經可以大大減低意外懷孕同患上性病嘅風險。但如果你都係好擔心,可以考慮喺性行為後11日進行驗孕。因為驗孕棒係透過檢測尿液中嘅hCG (人絨毛膜促性腺激素)含量,呢款激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確:ok_woman:t2:

驗孕嘅建議我會考慮,不過怕女友話我大驚小怪:sweat:亦怕造成佢壓力,可能只能先耐心等待,雖然依然擔心焦慮,不過亦都多謝你們清楚同耐心嘅回覆,都令我放心許多!

1個讚