排卵期性行為

你好,首先好多謝你哋抽時間回答我嘅問題:pray:t4:

14/1有進行兩次性行為(period第十四日),而兩次性行為喺插入前都有帶套。完事後無特別幫安全套做灌水測試,但目測係無穿無漏,so far用過咁多次呢個牌子都無試過穿。但完事後我摸過自己下體好似有小小液體喺陰道口附近,但唔肯定係咪精液。因為當日係女上男下姿勢,我怕會唔會係性行為過程中有精液喺抽插過程中漏出,男朋友話喺射精後都有抽出,而佢抽出後我都留意到佢下體仲係勃起,並無疲軟。想問係咪只要陰莖抽出陰道後仲係勃起狀態就唔需要太擔心精液會從安全套漏出呢個問題?

另外因為射精唔係一下就射完,射緊嘅時候都仲抽插緊。精液會唔會喺射緊嘅時候咁快就喺安全套圓環位置漏出?

因為當日都大機會係處於排卵期,雖然有全程帶足安全套,但我怕有精液會喺以上所講嘅過程中漏出導致懷孕。

再次謝謝你哋嘅解答:pray:t4:

Hello!多謝你既問題,你們進行性行為時會採取安全措施係好好既事,如選擇採用安全套,其實係有些地方需要注意,例如是否正確使用安全套,安全套正確使用方式可去呢度參考:https://www.instagram.com/p/B4EX0FVFLUf/?igshid=YmMyMTA2M2Y%3D
另外係配戴時要檢查一下安全套既有效期,過期就唔好用啦。仲有就係選用合適既安全套使用,事前如果做好呢啲步驟,都會係安全既。至於你話做灌水測試,因為如果你選用既安全套都是值得信賴既品牌,佢地係生產時都有做足測試確保品質的,所以如果唔係經常轉用不同牌子或使用不明來歷既安全套,就不用每次做灌水測試。如果男友下體全程由插入到抽出都係勃起,而又有正確使用安全套的話,相信唔需要太擔心精液會從安全套漏出的。
至於完事後有液體喺陰道口,個啲唔一定係精液,亦有可能係陰道分泌,因為在性行為時受到刺激,陰道為了保持濕潤,係會產生分泌物,而呢啲分泌物係黏糊狀的。當男友在完事後將陰莖抽出,亦有可能令陰道壁的分泌物溢出,才有液體喺陰道口。但如果你都係好擔心,可以考慮喺性行為後11日進行驗孕。因為驗孕棒係透過檢測尿液中嘅hCG (人絨毛膜促性腺激素)含量,呢款激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。