有關避孕藥食法

你好,想問下避孕藥係咪一定要係經期內食?如果唔一定係咪隨時可以食?明白避孕效果就一定要最少食夠七日。
因為我打算2月10-22號去旅行,但我上個月12月15號黎m,今日1月18號都仲未黎。
想旅行期間推遲黎m,雖然經期都接近旅行完,但係都係想旅行完左先黎,所以想問下可唔可以提早食?
自己想2月3食,直到食完21粒即2月23號。咁樣旅行期間又唔會黎m而且都有食足夠日子有避孕效果。
呢個方法可行嗎?謝謝回答:pray:t2:

Hello~由於避孕藥在服用後係需要時間在身體發揮功效,所以如果你係喺月經第一至五日開始服藥,喺服藥之後嘅第一個星期發生性行為嘅時候就需要額外使用其他避孕方法,例如安全套。而如果喺月經第五天之後先開始服藥,就建議服藥頭14日都需要額外使用其他避孕方法,等藥效建立後,先考慮唔再使用額外避孕。

咁即係可以提早食嗎?想2月3食

如果提早食嘅話, 咁喺食嘅頭14日都要配合外用嘅安全措施。即係2月3-17號如果進行性行為,都要用安全套,先可以保障避孕效果。

不過如果你純粹係想延遲嚟經嘅話,其實可以搵醫生開延經藥,俾你去旅行嗰段期間食,個分量大約係14日左右,通常食哂先會嚟月經。你都可以考慮吓。不過當然無論你係食避孕藥定延經藥,食之前都要查詢醫生嘅意見,因為唔同牌子嘅避孕藥,荷爾蒙嘅種類同埋劑量都唔同,所以盡量唔好自己買嚟食,要問咗專業人士嘅意見先。