急!!有幾條問題想問

halo,有幾條問題想問的><
1.上個禮拜同男朋友做嘅時候,發現個套調轉左戴,不過冇穿到,兼且冇射到,之後換左第二個condom,不過唔知調轉左condom做會唔會有機會出事。。。
2.今日用手自慰完之後見到下面有乳白色嘅分泌物,質地有少少似ky嘅質地,聞落去氣味唔大,但係近啲聞嘅話有少少酸酸地嘅味,唔知咩黎,唔知係自慰之後嘅正常現象,定係有左嘅症狀或者有咩病。。。
3.呢條好似有少少多餘?:rofl:頭先摸到下面陰唇有粒同暗瘡好似樣嘅一粒嘢(?),gum落去冇乜痛嘅感覺,甚至係幾乎冇感覺,有一刻懷疑係性病,但係機率根本唔高,有咩因素會搞到有呢粒嘢喺到:thinking::rofl:

Hello~等我逐題問題答返你先:relaxed:

  1. 安全套掉轉咗黎戴嘅話問題係不大嘅,不過如果及時發現嘅話就要換過一個新嘅,因為如果本身已經帶咗落陰莖到就有機會已經污染咗,同埋安全套反轉咗嘅話係好難戴到落去陰莖嘅根部嘅。如果安全套包唔住成條陰莖嘅話,就有機會增加穿套同甩套嘅機會。

  2. 你講嗰啲應該係女性嘅陰道分泌物。因為喺自慰/性行為嘅時候陰道受到刺激,會為咗保持濕潤產生分泌物,而呢啲分泌物係黏糊狀嘅,經過手指抽插之後可能會變成白色。而當你完咗之後將手指抽出,就有可能令陰道壁的分泌物溢出,令到有啲白色嘅液體喺陰道口。加上陰道嘅環境係偏酸嘅,所以你近聞到酸味係正常嘅,代表你身體好健康。但係如果你聞到魚腥味,咁就有機會係發炎嘅症狀,需要睇醫生。

  3. 你呢個情況有機會係外陰部毛囊炎。佢係類似暗瘡嘅,有機會紅腫同痛。佢嘅成因有好多種,例如因為天氣潮濕炎熱,底褲唔透氣,清潔不足或過度,剃毛太貼近毛孔或刮傷皮膚,或者因為皮脂分泌太旺盛,堵塞毛孔。正常情況下只要保持陰部乾爽同埋勤於清潔,佢就會含膿熟透並凋謝。不過如果去廁所之後冇妥善清潔嘅話就會增加發炎嘅機會,容易令細菌(金黃色葡萄球菌/真菌等)或微生物進入毛囊,導致皮脂腺或汗腺感染。所以呢段時間記住要多啲清潔陰部,避免發炎感染。

希望以上嘅資訊幫到你🫶🏻

知道知道!~唔該曬你:pleading_face::bowing_woman:t2::purple_heart:

1個讚