睡姿對陰囊嘅影響

其實仰睡係咪比較好?
因為打側瞓嘅話 夾住對腳,咁樣會提升陰囊温度 影響精子?

定其實唔使咁care? 瞓覺咁多個鐘睡姿會不停轉?

hello你好啊
其實唔同嘅睡姿對健康都可能有影響嘅,有一間泌尿專科醫院研究顯示,打側瞓有可能引致睪丸扭轉,睾丸位於陰囊內,左右各通過一條叫做精索的組織與身體相連,精索長有為睾丸提供血液循環的血管,喺打側瞓嘅過程中,由於睪丸與陰莖被夾喺腳中間,承受嘅壓力比站立時多,再加上瞓覺時郁嚟郁去,精索有機會出現「打結」的情況,不過因為打側瞓而引致睪丸扭轉嘅情況係好少見嘅,所以唔太擔心。

研究亦指出打側瞓有可能令心臟受到壓迫,從而全身嘅血液循環會變慢,包括生殖器官嘅血液循環,有可能引發令陰囊溫度增高,減少精子活躍度。

不過陰囊之所以喺身體岀面係因為精子嘅温度係低過體温, 正常體溫係37℃,陰囊內溫度大約係35.5~36℃,而睪丸入面嘅温度更低0.5~1℃,如果唔係精子就會死亡。陰囊負責調節精子嘅溫度,當夏天溫度太高時,皮膚就會伸展開,擴大散熱面積,降低溫度;冬天天氣凍,陰囊皮膚會縮起來,減少散熱,維持恆溫。男仔都會浸溫泉啦,而浸温泉嘅溫度更加高,所以個影響其實並唔大,所以唔太擔心!