我係咪邊度做錯咗

琴日同男朋友練緊斷續刺激
應該都有幾十分鐘
一直都好地地
我好細力摸一摸佢睪丸嗰度,純粹諗住畀啲唔同嘅刺激,佢突然話好痛

我唔知係咪時間太耐所以佢痛,所以拿拿聲有咁快郁咁快 俾佢射咗出嚟先

隔咗一陣我問返佢仲有冇事 佢話唔痛喇
嚇死 :face_exhaling:

其實點解會咁?
我係咪做錯咗啲咩?

Hello~多謝你嘅提問:heart:睪丸痛除咗喺因為外傷、撞擊之外,亦有可能因為翹腳、久坐壓迫睪丸,而最常見嘅原因就係「精索靜脈曲張」。睪丸一帶有三套靜脈系統,受到姿勢、勃起等影響,可能令原本將血液引返入體內嘅靜脈血管,出現逆流、積血等情況。勃起時間太久就係其中一個相當常見嘅原因。精索靜脈曲張通常會令睪丸溫度提高,較輕微者休息一陣就會恢復,較嚴重嘅亦有可能疼痛過久、甚至影響生孕,需透過手術進行改善。手術治療會將其中出現問題嘅靜脈系統阻斷,一般而言不會影響生孕。

你男朋友嘅情況應該喺勃起得太耐,目前嚟睇,佢嘅症狀係比較輕微嘅,只要及時休息就唔會有問題,所以唔洗太擔心。下次再練斷續刺激可以縮短啲個時間,你男朋友亦要多啲留意自己嘅身體狀況,唔好夾硬嚟,如果唔係可能會受傷㗎!

除咗精索靜脈曲張,會唔會都有機會可能係epididymal hypertension 附睾高血壓?
定係兩個都係同一樣嘢嚟?落

的確有呢個可能呀,你講嘅呢種情況應該係blue balls,即係 epididymal hypertension,常見症狀為睪丸有唔舒服/墜墜地嘅感覺。而呢個現象係因為陰莖勃起左一段長時間,大量血液長期積聚喺陰莖所造成。陰莖受到刺激會充血勃起,當刺激累積去到一定程度就會射精,神經反應消退,陰莖就會疲軟。但如果陰莖一直係充血狀態,時間耐咗可能就會有啲痛、「谷住」或者有啲唔舒服嘅感覺。最容易嘅解決辦法就係射精,令到陰莖唔再處於充血嘅狀態。又或者試下做下其他嘢,分散下注意力,減少陰莖嘅刺激。

不過都可以留意下呢種狀態會唔會勃起之後短時間内出現,或者經常出現,如果係嘅話都可以檢查下血壓等身體狀況。

有咩問題隨時搵我地呀~ :wink: