我可以點做

最近我女朋友試過插後面,感覺好痛,有話佢知,佢叫我忍住,會習慣。 有冇方法可以比自己接受,覺得自己好冇面,唔夠膽問身邊嘅人。 我又唔想佢發脾氣唔開心,點先可以唔痛。同改變自己對呢件事嘅諗法。覺得好羞辱。

Hello~首先,其實好欣賞你願意同女朋友嘗試一啲未試過嘅性行為,呢樣嘢係需要好大嘅勇氣嘅,要努力接受,容忍對方去嘗試都唔係一件容易嘅事:see_no_evil:。而都理解通常第一次後入嘅時候,可能因為潤滑唔夠,而且唔夠放鬆,係會比較痛嘅。因為肛門同陰道唔同,唔會有陰道分泌,加上性興奮嘅時候唔會擴張好多,所以係會難入啲嘅。通常要用大量嘅ky協助,而啱啱開始嘗試嘅時候,可以先用手指,一隻兩隻咁伸入去,令身體慢慢習慣,跟住先至用玩具之類增加刺激,咁應該就會冇咁痛。

都明白,你會覺得羞恥同埋冇面嘅,因為男性係一般人嘅眼中都係主導嘅角色,要喺張床度嘗試做被動嘅嗰一方真係好唔容易嘅。你可以試吓嘗試轉換個諗法,因為唔同類型嘅感官刺激,對於提升一個人性興奮嘅感覺都係唔同嘅。有啲男仔被後入嘅時候係會覺得好興奮嘅,嗰種痛感會令佢覺得爽。而未試過又真係唔知自己嘅感覺嘅,所以你可以當後入係用嚟提升情趣/性慾嘅方法之一,試吓無妨咁。但係當然未必每一個都係咁樣諗嘅,就好似唔係所有女仔都鍾意/會潮吹咁。所以如果你試多幾次都真係唔鍾意,或者接受唔到嘅話,其實要坦白同女朋友講。要俾佢知你唔係唔願意配合佢,而係真係覺得唔舒服。兩個人嘅感情除咗互相遷就之外,坦誠面對自己嘅感受,同需要都係好重要㗎!🫶🏻

你好,sorry我表達得唔清楚,我們2個都係女性來嘅。我有表達到唔想,佢都係叫我忍下。 睇到佢好想,我唔忍心再推佢。先想搵方法比自己接受呢種行為同感覺。唔知有冇的比自己接受?

Hello~因為見到你都有喺WhatsApp度問我哋,而我哋同事已經回覆咗你:wink:,所以如果仲有其他問題嘅話都可以揀返喺其中一個平台發問,我哋會盡快覆返你。感謝你嘅支持:relaxed:🫶🏻