受孕ge時間

上網睇精子可以係女仔體內存活5天。咁有冇機會性行為後,5天遇著排卵日受精?
我同女友做完第13日(3/1做)驗孕陰性。會唔會有機會懷孕?佢上次月經因為肺炎遲左10日,有冇關係?
同埋排卵期會唔會慢左?

hello你好啊

無錯啊,你講嘅依個情況係有可能發生,只要性器官有直接接觸,就會有懷孕風險,喺進行唔安全性行為後,精子可以喺女性身體存活最多5-7日嘅,係有機會遇到卵子,從而懷孕嘅,所以都建議做好安全措拖,如果想唔用安全套嘅話,可以考慮服用事前避孕藥,或者打避孕針。不過都要提一提你,使用安全套唔只能夠避免懷孕,仲可以避免性病嘅傳播,保障雙方嘅健康。

的確,有唔少人都係確診Covid之後提到自己嘅月經出現改變,例如週期不規律或月經之間的間隔變長、經期延後、經月量改變,都有人提到可能經前症狀變得更加嚴重等等。而且,其實月經本身就會受好多唔同嘅因素影響,例如情緒、飲食習慣同生活作息,特別係中咗covid之後身體都比較需要免疫系統康復,而且中咗嗰段時間都可能食咗某啲藥物,或者胃口有所影響等等,呢啲都可能會影響咗經期。暫時都未有研究顯示中肺炎對月經週期同排卵期嘅影響,只係有一部分女性經歷上面所講嘅變化,唔係中過肺炎就一定影響到月經嘅。都見到係上次月經前中肺炎,所以對今次月經週期未必有影響,

至於排卵期方面,所謂嘅排卵期亦必準確, 首先,唔係每個人嘅週期都係28日,即使係28日週期嘅人都唔一定係第14日排卵,依啲都係平均數字。好多唔同嘅原因都會影響經期嘅,例如荷爾蒙失調、生活作息、飲食習慣、服用藥物、情緒壓力等,亦可能會喺月經期間亦出現排卵嘅情況。所以唔需要考慮係咪撞正排卵期而受精,只要有不安全性行為,就會有懷孕風險。

雖然一般來講排卵後卵子大概只可以存活兩至三日,但精子可以喺子宮存活最長五日,呢啲時間亦會因為雙方嘅身體狀況而有唔同。所以,係唔能夠準確知道其實到底幾時係排卵期嘅情況底下,加上卵子精子嘅存活率都係會受外在因素影響,即使係排卵期之後嘅日子,都唔代表係完全安全。呢個亦係所謂「安全期」唔一定安全嘅其中一個原因。

係性行為11日後驗孕,結果就準確!所以你地喺性行為13日後驗孕,結果已經好準確,暫時都未有研究顯示中過肺炎對驗孕結果準確度有影響,所以係無懷孕嘅!

11天後驗係唔係都會陰,有冇機會之後驗會陽?

需唔需要第16天再驗一次,有冇咩日數係保證冇機會懷孕?

因為驗孕棒係透過檢測尿液中嘅hCG (人絨毛膜促性腺激素)含量,呢款激素會喺受精卵著床之後會開始大量分泌,而一般受精著床呢個過程需要6-9日,所以 喺性行為之後7日(10/1)驗孕嘅話會有初步嘅結果 。而喺11日之後(14/1)驗結果就最準確,所以你話

其實第13日(16/1)個驗孕結果就已經足夠可靠,唔需要再驗多次。驗孕同covid唔同,係冇潛伏期嘅,所以唔會喺之後無端端轉陽,可以放心:relieved:

女朋友終於黎m,多謝你

1個讚

好開心可以幫到你!如果有任何問題都可以搵返我哋,我哋會盡力幫你解答🫶🏻:smiling_face_with_three_hearts: