服用避孕藥期間有血

依家食緊第3盒避孕藥(21粒裝)
除咗喺食第1盒嗰陣下面有出血(知道係初服用嘅正常症狀),食第2盒時已經無出血和不適。

因為要去旅行,所以食完第2盒冇停到藥,直接食埋第3盒先停藥。

但第3盒食到頭幾粒,就開始每日下面有血和輕微下腹痛。

有肯定每日差唔多時間食,冇漏食,請問係咪都係正常?

Hello~多謝你嘅提問,想問吓你「直接食埋第三盒」嘅呢一個決定,有冇諮詢過醫生嘅意見?因為避孕藥係高劑量嘅荷爾蒙藥物。佢嘅原理係通過人造荷爾蒙去抑制排卵,改變子宮頸黏液嘅粘稠度,同埋改變子宮內膜環境,從而達致避孕嘅功效。如果你連續食兩盒,唔停嘅話,即係長期都keep住身體嘅荷爾蒙水平係一個好高嘅位置,你嘅身體有機會適應唔到,出現咗內分泌失調嘅情況,所以導致出血。因為淨係透過文字我哋都唔係好清楚你而家身體狀況,所以建議你最好都係睇婦科醫生,同佢講番你而家個情況,再睇吓點樣處理:pleading_face:

無啊,我係上網睇到人地分享,話醫生建議佢去旅行想延經就係咁做:persevere:

請問如果我17/1有過sex,而我今日開始停藥嘅話,喺避孕方面係咪唔會有影響?(嚟緊會用返condom)

因為人體內嘅藥物濃度會依照每個人嘅代謝狀況唔同而有唔同情況,所以你上網睇到人哋咁樣延經,唔代表你都適合咁做:pleading_face:

而因為我哋真係唔清楚你宜家嘅身體狀況(食緊避孕藥嘅時候出血同腹痛都係唔正常嘅反應),所以都唔肯定你宜家停藥嘅話,會對身體有咩影響。建議你去睇醫生,問返專業人士嘅意見會好啲。