有關於打避孕針

你好,請問打避孕針可以唔係經期內打嗎?
因為我經期咁啱可能會撞正新年…好多診所都唔開,我遲幾日去打得唔得架?PS.第一次注射避孕針
另外,其實要求經期內注射係咪因為確保冇懷孕先會有呢個要求?
唔係經期內注射,但又確保自己冇懷孕情況下接種避孕針,係咪首7日做好其他安全措施就可以?謝謝。

仲有一個問題,我想今次接種避孕針,一到避孕針到期需要接種下一次,我係咪可以唔接種?即係接種過一次就想停可以嗎?(這個時候沒有避孕需要)
謝謝

Hello~通常避孕針係需要喺月經週期頭7日內注射,亦有啲醫生會建議要經期流血期間,確保無懷孕嘅情況下注射;不過亦有啲醫生會根據你嘅身體情況,了解你有冇懷孕嘅機會,如果冇風險嘅話,即時唔係月經頭7日,都可以幫你注射,不過如果係咁,喺注射完嘅7日內如果發生性行為,就需要使用安全套作為額外嘅安全措施。你可以預約嘅時候問清楚你嚟完m嘅話,醫生係咪都同意幫你注射。 :blush:

可以嘅~ **避孕針一般為單一荷爾蒙(三個月一針)同混合荷爾蒙(一個月一針)兩款。

→ 如果喺單一荷爾蒙,有效期喺3個月,但接受注射期間有機會因為體內荷爾蒙改變而出現月經不規則、月經流量減少、或閉經等副作用。

→ 如果喺混合荷爾蒙,有效期喺1個月,可以令經期規律化,但係由於佢含有雌激素,所以亦唔係每個女性都適合使用。

所以不同種類嘅避孕針有機會帶來唔同副作用 :sunglasses:,但當中嘅原理都喺定期注射人造荷爾蒙,抑制卵巢排卵、令子宮內膜產生變化,使受精卵難以著床;並增加子宮頸分泌物粘稠度,使精子難以穿過黏液進入子宮,帶來嘅副作用有機會喺每個人身上有唔同嘅反應。所以都建議你可以喺打針之前,同醫生講下你嘅計劃,問咗佢嘅意見先:laughing:,再睇下你適合打邊一種避孕針。