睪丸"淵"住痛

早前,驗尿發現尿液入面有腸球菌屬,
自己有時尿量一般嘅時侯會好急,
尿道口間中一兩下刺痛,
去左睇醫生,食左一個星期抗生素,都好好多,但仲係差少少,
咁醫生再開多兩個星期抗生素俾我,
但我而家仲食緊藥,已經2日出現睪丸淵住痛,腰痛,但之前無左過運動之類,瞓覺就無事,但無醒無耐就會痛返,醫生都叫我照食藥。

想問下會唔會係附睪丸炎/前列腺炎定腎石?

Hello~多謝你嘅提問:heart:一般嚟講,如果性器官受到細菌感染,出現發炎嘅症狀,都係需要用抗生素嚟治療嘅,所以既然你而家已經食緊抗生素嘅話就唔需要太擔心。因為我哋單靠文字係好難判斷到你而家嘅身體狀況,所以都只可以憑你而家嘅症狀去判斷你患有附睪丸炎/前列腺炎/腎石嘅機率。

如果係睪丸炎嘅話,睪丸通常會合併副睪同時發炎。正常情況下,睪丸同血液之間有一道屏障,令細菌冇咁易進入副睪同睪丸。但當泌尿道發生反覆感染,你嘅抵抗力下降,尿道內壓增加時,細菌就有機會由尿道進入輸精管到副睪,造成感染發炎。所以你而家可以留意吓有冇出現睪丸紅腫同疼痛嘅症狀,因為呢兩個係睪丸炎最明顯嘅症狀,如果有嘅話就好大機會係睪丸炎。如果真係睾丸炎嘅話,係需要服用4-12個星期嘅抗生素先至可以好返嘅,你而家淨係食咗兩個禮拜嘅話係冇咁快可以恢復到嘅。不過因為呢啲都係推測,都要以你個人身體嘅情況為準,所以你食埋呢兩個禮拜嘅抗生素都要返去搵醫生複診,根據你當時嘅情況再決定使唔使繼續食抗生素治療。

至於前列腺炎同腎石,因為好少會出現睪丸淵住痛嘅情況,所以應該同你而家嘅情況冇咩嘅關係。不過當然,我哋而家講緊嘅嘢都只係根據你文字所講嘅內容進行嘅猜測,唔一定準確。所以最好都係搵返合資格嘅醫生同你做個詳細嘅檢查,會保險同可靠啲:relieved:🫶🏻