第一次食避孕丸。。會唔會出事

話說月頭同男朋友情不自禁咁做左次,無套內射之後立即食左事後亦都有黎m,之後再係完左經期後一日開始食事前避孕丸,食到第六日男朋友用套但穿左,如果之後都keep食事前,咁樣會唔會減低懷孕既機率:smiling_face_with_tear::pray:t6:,定我都要食多次事後

避孕藥係用人造荷爾蒙去抑制排卵、增加子宮頸分泌物嘅粘稠度、同埋改變子宮內環境,而去避孕嘅。初初開始食避孕藥,身體需要啲時間去建立藥效。所以,通常會建議,如果經期頭5日或以內開始食藥,咁食藥嘅頭7日都要配合埋安全套;如果經期第6日或者之後先開始食第一粒藥,咁就建議頭14日都配合埋安全套。

呢個我曾經問過 希望幫到你:pray:t6:

1個讚

咁既話,咁我懷孕既機率都屬於大? 如果都keep住食事前避孕丸會唔會有可能都可以阻止精子著床?:smiling_face_with_tear::smiling_face_with_tear: 陰度有出血會唔會都有機會減低懷孕機率:smiling_face_with_tear: 呢次只係人生第二次曳曳

初初開始食避孕藥,身體需要啲時間去建立藥效。所以,通常會建議,如果經期頭5日或以內開始食藥,咁食藥嘅頭7日都要配合埋安全套;如果經期第6日或者之後先開始食第一粒藥,咁就建議頭14日都配合埋安全套。

睇返佢咁講 再睇返你情況所講 我估計應該係屬於大…
因為避孕藥係長時間建立 而你應該係第一次食避孕藥 月經後先食既話 更加要係頭14日做安全措施 但你第6日確定真係穿左既話 咁就應該係屬於大…
不過我都唔敢答你 建議都係睇醫生或家計會約見醫生好:thinking: 或者要等聽日網頁專人覆你問題:pray:t6::pray:t6:佢地聽日先恢復回復服務

Hello~正如上面Mikiyo所講

睇返你嘅情況,因為你喺月經完咗之後先至開始食,而發生唔安全性行為嘅時候係食到第六日,所以我哋好難確保到事前避孕藥有發揮到佢嘅作用。如果想保險啲嘅話,可以考慮食事後丸。

呢度想同你講返事後丸嘅原理先:事後丸含有高劑量人造荷爾蒙,透過唔同嘅途徑去緊急避孕,包括:抑制排卵、增加子宮頸黏液分泌令精子難以通過、改變子宮腔環境令受精卵難以著床 。而事後丸有分72/120小時兩種,而愈快服用效果愈好,唔安全嘅性行為之後24小時內服用最好。而因為事後丸係醫生處方藥物,所以如果真係考慮服用嘅話, 可以去家計會或者私家診所搵醫生開藥。但係要留意嘅係一次月經週期最多可以食一次事後藥 ,所以呢個月經周期剩低嘅日子,如果進行性行為嘅話都一定要做足安全措施。記住無論任何形式嘅性接觸都要全程佩戴安全套,咁先至可以保障到自己同另一半🫶🏻。

如果你唔想食事後丸嘅話,可以考慮喺性行為之後11日進行驗孕。因為驗孕棒係透過檢測尿液中嘅hCG (人絨毛膜促性腺激素)含量,呢款激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。