上年同兩個ex分別做左兩次，第一任喺2021年8月做，第二任喺2022年1月做，兩個都冇帶套，雖然同兩個做完都冇懷孕，順利黎m，不過而家開始擔心緊會唔會喺佢地兩個中傳染愛滋，而家先去驗會唔會太遲?
而自己喺上年3月成身生尋麻疹，不過去睇完醫生唔夠一個禮拜就好翻，而自己因為想知咩原因，所以去左化驗所做化驗。份報告都好詳盡，幫我做左唔同方面嘅化驗，例如食物同埋環境因素，咁份報告雖然話好大機會係塵蟎引起，但係上網見到尋麻疹都係愛滋嘅其中一個皮疹，唔知關唔關事，同埋如果係愛滋而引起嘅尋麻疹會唔會咁快好番le。。
而呢一年時間就冇其他嘅皮疹或者嚴重喉嚨潰瘍，頂多都係太熱氣而扁桃腺發炎，都係好快好番，但係見愛滋可以冇症狀，因為太擔心，諗住去book做愛滋檢測，但係full晒，唔知點算好，好驚好擔心。。
Hello~多謝你嘅提問
性病係由細菌、病毒或寄生蟲三種致病原所致。 **而傳播性病嘅主要因素有：血液、精液、陰道分泌等體液交換；有損傷嘅皮膚、眼睛、口腔和鼻腔等黏膜交換兩大類。**所以你同你嘅伴侶無套性交係會增加傳染性病嘅風險嘅。
不過，有風險唔代表一定會感染到性病，除非你係同有性病嘅人有直接分泌物嘅交流。而性病都唔係得愛滋病一種，加上單靠文字我哋係唔能夠知道你身體嘅情況，所以最好都係相信醫生嘅判斷。生尋麻疹可以有好多原因，唔一定同愛滋有關。而因為性病係有潛伏期嘅，係呢段時間裏面病毒或者病菌潛伏喺體內唔會有任何病徵。所以唔做檢測，其實真係唔能夠確定有冇傳染到性病。而測試性病需要過一段空窗期，等病毒嘅數量累積多啲，先至可以透過唔同嘅方法檢驗出病毒/病菌，所以你而家驗係唔算遲嘅。
如果你真係好擔心嘅話，可以選擇去以下機構做免費嘅性病測試。
政府社會衛生科服務診所：各類型性病檢查（較全面
，能即時知結果及比藥
）
關懷愛滋：25歲或以下青少年、男男性接觸者－愛滋滋病病毒／梅毒／淋病／衣原體／丙型肝炎
香港愛滋病基金會：愛滋滋病病毒／梅毒／丙型肝炎
再思社區健康組織 (C.H.O.I.C.E.) ：愛滋病病毒／梅毒
*因為最近受疫情影響，建議前往之前，先到相關網站睇下機構有無開～！
暫時可以先留意自己身體有無出現明顯病徵。如果已經出現下體痕癢、小便刺痛、分泌物異常、下體生粒粒等病徵時，就可以先及早求醫。不過如果未有出現明顯病徵的話，咁可以放心少少。不過因為唔同性病嘅潛伏期同空窗期都唔同，所以你可以考慮定期預約做一個全面嘅性病檢測，咁就可以keep track on自己嘅身體狀況啦 
！
我網上面睇過社會衛生署診所既page 佢話唔使預約 淨係提供登記同埋開放時間 咁係咪即係話唔使電話booking 去到診所先登記？同埋一般要等幾耐先有結果
雖然唔使預約，但去之前最好都係打咗電話去問吓先。因為疫情同埋農曆新年，社會衛生署診所嘅開放時間有機會有變動。而一般嚟講，做完測試之後大約三個星期先會有結果。所以如果心急嘅話，可以選擇去私人檢驗所做測試，不過價錢就相對貴啲。
但係唔係話即時知結果咩？
如果係公立診所嘅話，其實好少會即時出結果嘅。不過唔排除呢排做測試嘅人比較少，出結果嘅時間會短啲，所以打電話問下會準確啲。
今日終於去左再思會做愛滋，丙型肝炎同埋梅毒檢測，全部都係陰性，都係一條線，咁係咪即係冇事喇
Hello~因為你今次檢測距離，你最後一次性行為，相隔嘅時間都過咗一年，基本上都過咗大部份性病嘅空窗期，所以恭喜你，你係冇感染到性病嘅
之後如果再進行性行為嘅話，就要更加好咁保護自己，要全程使用安全套啊～
仲有少少野想補充，可能之前嘅自己好天真好傻，同兩個拍左好短時間嘅ex扑野，兩個冇帶套，之後上年9月同一個識左一段時間嘅男仔出黎扑野，雖然同呢個男仔扑野期間有戴套，不過都有錫，加上唔算好了解佢嘅性經驗，好似有同過其他女仔扑過，不過都好似都有戴套？（或者我唔太記得）如果幾個禮拜前喺再思做性病檢測係陰性，咁係咪代表呢個男仔係冇性病？上兩個係咪都係冇？想再搞清楚d
Hello你好啊
係到想分享下你驗過嘅性病嘅空窗期
愛滋病：3個月
梅毒： 最長為6星期
丙型肝炎： 一至兩週（其病毒RNA通常即可被偵測）
上一次做嘅性病檢測可以話俾你聽喺嗰次檢測三個月前嘅性行為有冇令你感染性病，如果你對上一次嘅性行為係上年九月嘅話，已經過咗空窗期，咁即係話今次嘅性病檢測已經可以好準確咁話俾你知，你係冇感染上面嗰三種性病嘅。不過，性病係有好多種嘅，所以都唔可以100%肯定有無感染其他性病，如果你真係好擔心嘅話，你可以選擇再做多一次全面嘅性病檢測，例如政府社會衛生科服務診所。