避孕藥急問3

想問下我女朋友起十一點鐘食咗一次優悅,但起兩點半左右因為食嘢食太辣所以嘔咗出嚟:see_no_evil:,所以想問對藥效有冇影響

Hello!多謝你嘅問題~ 如果本身有持續依足說明書指示,定時服用避孕藥的話,咁避孕藥嘅藥效已經於身體內建立左,暫時嘅情況導致意外懷孕嘅風險係好微嘅~

今次嘅情況,係服藥後4小時內嘔吐,確實未能肯定身體係咪已經完全消化到粒避孕藥。一般服藥後4小時內嘔吐,我地都會建議補食藥。因為藥物有可能因為未完全消化及吸收曬,而經嘔吐排出體外,因而影響藥效 :pill:。補食後亦建議儘快諮詢醫生嘅意見。 不過建議先閱讀避孕藥說明書嘅指引,有無特別指明服藥後嘔吐的話,咩情況下需要補食藥。如果有的話,可以跟番依照說明書嘅指引處理~ :relaxed:

如果說明書指引,表示呢個情況都需要補食藥,而依家身體情況都並無大礙的話,可以選擇依家補食番粒藥。不過如果依家呢一刻都唔太肯定,一陣會唔會再嘔,咁建議睇番盒內說明書,最遲幾多個小時內需要補食。提示返,未來7日內要額外使用阻隔式避孕工具架~(例如安全套)

唔該曬~:see_no_evil:

1個讚