急求答案🥺

我前幾日同我男友有試過用龜頭來摩擦陰道外面,而且冇著內褲來摩擦,當時一看只見自己的陰道液,但唔知有冇前列線液,而我係18號嚟M,我會唔會有bb,好驚

Hello~多謝你嘅提問:heart: 依照你分享嘅情況,雖然都有懷孕嘅風險,不過風險好低,所以唔洗太擔心。男性性興奮嘅時候,陰莖會流出透明黏稠液體(尿道球腺液 Cowper’s fluid/pre-cum),內含有量精子,所以直接接觸陰道嘅話係有機會導致懷孕嘅。因為你哋冇插入,所以總括嚟講,懷孕機率唔高。

如果你都係好擔心,可以考慮喺性行為後11日進行驗孕。因為驗孕棒係透過檢測尿液中嘅hCG (人絨毛膜促性腺激素)含量,呢款激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。

不過,都想提一提你,只要性器官有直接接觸,而且冇使用安全措施,就會有意外懷孕嘅機會。所以如果冇準備有小朋友,咁無論任何形式嘅性接觸,都要全程使用安全措施,先可以保障到自己同伴侶🫶🏻

1個讚

好的,多謝你嘅意見:bowing_woman::sparkling_heart:

1個讚