底褲有淺啡色分泌物

hello~好耐冇見:see_no_evil:
吸取上次教訓,我同男朋友之後做都有戴套:see_no_evil:有一兩次因為佢太攰所以冇開頭咁硬,之後個套甩左,不過個膠圈喺下體出面,應該問題唔大?
同埋我想問如果上次受到事後丸影響,經期延遲左幾日,12月30號先黎m,咁正常係咪1月30號或者早一兩日黎m~?因為我呢幾日下腹都有少少un住un住,痛痛地既感覺,但係就仲未黎m,加上最近因為放假,有幾日可能通宵唔訓或者朝早先訓,自己又唔識認口:cold_face:,好鍾意食辣野凍嘢,好似會影響經期~?不過今日去廁所見到底褲分泌物偏淺啡色,而聞落去氣味就偏酸,圖片如下:pray:t2:


唔知呢啲係黎m前既分泌物,定係懷孕跡象既分泌物呢?
再一次唔該曬你地不厭其煩答我問題~!:pleading_face::pray:t2:

Hello首先事後藥嘅副作用係會令到下一次月經提早或者延遲嚟,亦都會伴隨着一啲身體嘅副作用例如頭痛頭暈,胸部同埋腹部脹痛等。咁所以你話un住un住有可能係基於事後丸嘅副作用。同埋都見到你有提及最近作息時間,同埋飲食習慣有改變,以上嘅因素都會影響月經周期,例如出血量,出血日數,經前症狀等。

至於分泌物方面,都可以觀察多幾日,如果之後嘅日子好似平時咁嚟月經嘅話,咁就冇乜大問題。如果好耐都未嚟月經,或者身體嘅副作用持續就建議去諮詢醫生嘅意見。

最後提提你,為咗保障個人私隱,都唔建議post一啲較為私密嘅相片,例如影到身體部位嘅相:ok_woman:t2:

本身頭先訓左一陣,見到底褲開始有淡紅色既血,見好似黎左m就瞬間安心,之後換左兩至三次,但係換完第四次之後,顏色唔知點解開始變淡,變做好淺既啡色,量都算多,呢啲係月經定係分泌物?定係懷孕前兆…:sob:

同埋最近扁桃腺發炎,冇食抗生素,但係呢幾日每日食幾次喉糖,加上最近都好夜訓甚至冇訓,又食辣野,係咪會搞到月經或者分泌物變淡甚至冇血?

好似我上面所講,生活作息同埋飲食習慣都會影響月經周期,例如分泌物。另外就係都建議你可以觀察多幾日先,明白分泌物改變,或者其他身體情況同懷孕前徵兆好相似,令你好擔心。但正正係因為月經前症狀同懷孕前症狀好相似所以我哋唔可以單憑呢樣野去判斷自己有冇懷孕啊~如果真係擔心嘅話可以進行驗孕,因為驗孕棒係透過檢測尿液中嘅hCG (人絨毛膜促性腺激素)含量,呢款激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。