求解答 會點

我同女朋友一齊玩
佢喺上面我喺下面
佢幫我含完佢就用下面磨我陰莖
但係龜頭唔係向住陰道打橫咁擺
有啲precum出咗嚟 可能過程hi到陰道口
冇射到入去
射咗出去
隻手hi到少少精
用紙巾抹乾淨再用手指放入佢陰道
想知會唔會出事:pray::pray::pray:

Hello 你好~

尿道球腺液(pre-cum)有機會含有少量精子,其實性器官只要有直接嘅接觸,就會有意外懷孕同埋傳染性病嘅風險。見到你有提及對方有磨你陰莖嘅動作,呢個情況下都有機會。

至於抹乾咗精液後再進行指交方面,精子嘅存活率好低,只要暴露於空氣,或者遇到水,精子就會加速死亡。因為精子需要精液提供養份先可以生存到,精液同時亦輔助係精子移動嘅媒介。所以如果冇咗精液嘅保護,精子都難以生存同移動。

喺你嘅情況,紙巾本身會吸收大量嘅精液,而喺抹乾咗嘅情況下,精子冇咗精液嘅保護,幾秒鐘至幾分鐘就會死亡,精子死亡後亦無法復活,所以理論上風險係低嘅~

如果有憂慮嘅話,你可以喺發生性行為嘅7日之後進行驗孕,咁就會有初步結果;喺性行為嘅11日或之後再次驗孕,就可以得到更準確嘅結果~

同埋有多樣嘢可以注意,即使冇勃起/進行陰道交,都建議使用安全措施,因為安全措施唔止係為咗避孕,亦都係為咗防止性病或者其他病菌/病毒透過皮膚或體液傳播,減低感染嘅機會:)

希望呢個回答幫到你!