破處後好似經痛咁 係咪正常…？
破處後通常有咩徵狀？
同埋我有食避孕藥已經一個月
但男朋友帶套帶得唔好
懷孕方面我係咪唔需要太擔心？
有食避孕藥應該唔需要太擔心呀可？
如果擔心 我點先知道咩方法 確保自己係冇懷孕？
Hello～多謝你嘅提問
聽你嘅情況，好有可能係因為第一次進行性行為潤滑唔夠，但係磨擦得太激烈，所以導致陰道出血，令下腹有痛楚。亦都有可能係因為處女膜破裂。其實冇話破處後通常會有咩徵狀嘅，因為唔同人嘅身體狀況都唔同。雖然多數人會話破處會痛同埋出血，不過破處都唔一定會出血嘅，因為處女膜係有一定嘅彈性嘅，就算發生過性行為處女膜都唔一定會破裂嘅。所以除非你下腹痛嘅呢個情況加劇，如果唔係都唔需要特別擔心嘅。
如果你已經食咗避孕藥一個月嘅話，咁藥效已經建立左，就算冇用安全套都係唔需要擔心懷孕嘅。
呢度都俾多兩個post你地參考返～係有關安全套嘅正確使用方式同埋令安全套失效嘅原因嘅。
安全套正確使用方式： Login • Instagram
令安全套失因： https://www.instagram.com/p/CM4ereiDmIl/?igshid=YmMyMTA2M2Y=
因為你有服用開事前避孕藥，咁只要每日都準時食，唔好漏食，基本上都係唔需要擔心懷孕嘅🫶🏻。不過都好欣賞你哋會選擇雙重避孕，因為只有使用安全套先至可以有效咁避免性病嘅傳播。
1個讚
同埋想問破處後一般流幾耐血先完？
如果第二次再做既時候 係咪唔會咁痛…
處女膜破裂後第二次做係咪冇第一次咁痛
一般來講，如果係陰道出血嘅話，3-5日就會好返，不過期間就要避免進行性行為。如果唔想咁痛嘅話，做嘅時候就要注意要等陰道足夠放鬆，先至插入去，唔好夾硬嚟。你可以叫你男朋友用手指幫咗你先，等足夠濕潤嘅時候先至插入去。另外，你都可以配合潤滑劑，不過要留意油性嘅潤滑劑係唔可以同乳膠嘅安全套一齊使用嘅，因為會增加破裂嘅機會。同埋做嘅時候都可以郁得慢啲，唔好咁激烈，減少因為磨擦得太犀利，而令到陰道出血嘅機會，咁就可以減少被整痛嘅機會🫶🏻。