27歲處男

啱啱過咗27歲生日,仲係處男一名,我份人比較內向,唔鍾意交際應酬,所以冇打算拍拖,但係性慾人皆有之,尤其是正值盛年,所以心郁郁想去叫雞或者約炮破處,但係又怕中招,我知冇辦法100%保證唔會有事,但係點樣可以將風險減到最低?

Hello~多謝你嘅提問:heart: 首先,性病係屬於傳染病,不分年齡、性別、種族,一般透過性接觸,不論係性交、肛交、口交或生殖器之間皮膚接觸,就有機會經由血液、精液或其他體液感染性病。而性病一般可以分為細菌型性病,或者係病毒型性病。前者大多數都可以完全根治,而後者大多數未有藥物可以完全根治,但可以控制病情,例如愛滋病,性病疣(椰菜花)。至於傳播途徑,除咗上述提及到嘅,性病主要以血液、精液、陰道分泌或其他體液作傳播媒介。性病一般經性接觸 (包括口交、肛交、陰道性交) 傳染。有啲性病能夠透過皮膚傳染,例如椰菜花等,所以只要性器官有接觸就會有一定機率傳染到性病。

如果想降低風險,使用安全套係最方便有效嘅方法。你亦都可以選擇非插入式嘅性接觸,有關嘅風險可以參考下面呢張圖:
圖片

係到都想分享下,即使無發生過發生性行為,亦唔代表啲咩,有性經驗唔係一個成就,同樣地,無性經驗亦唔係一個缺點。所以希望你喺發生性行為前,可以諗下性對你嚟講有咩意義,性慾嘅滿足?親密嘅感覺?獲得其他人嘅認同?諗清楚性對自己嚟講代表啲咩,做好心理準備,清楚知道自己嘅意願,內心都會踏實啲。

最後無論係咩形式嘅性接觸都好,都需要全程使用安全套,咁先至可以最有效咁避免感染性病。

謝謝回覆,我想問下,孚叼安全套,係咪仲有一種叫做口交套嘅東西? 點樣用法?

孚叼=除咗

口交膜係喺進行口交時用嘅,可以舖喺性器官上面,阻擋口部同性器官之間嘅直接接觸。另外,市面亦會有口交套,即係冇儲精囊同潤滑劑嘅安全套,可以用喺陰莖上面去口交。口交膜主要係性用品商店先會買到,如果一時之間買唔到,可以嘗試用安全套去代替。你可以將安全套嘅頭同尾剪走,再喺安全套嘅中間剪開,攤平,咁就變成口交膜㗎啦!

明白,Thanks!

1個讚