連續兩個月有M,係咪冇BB?

我同女朋友有試過性行為(只係放了一半的長度)入咗去就感覺到想射,之後有及時攞返出嚟先射,而我放之前有擦走陰莖上嘅前列腺液。之後女朋友月經遲咗(距離上次月經大概37日)先嚟,當時性行為之後第16日有驗孕(一定只有一條線。順便一問萬寧牌可靠嗎?而且驗孕之前飲唔夠700ml嘅飲品,會唔會影響結果?會唔會太早驗孕)最後都有再嚟多次月經(兩次血量都正常,而且會好痛)都冇任何懷孕症狀。最後綜合咁多,我想問咁會唔會仲有冇BB⋯⋯
如果再嚟多個月係咪就確保一定冇BB?

Hello~多謝你嘅提問:heart:首先,因為陰莖喺射精之前已經會分泌尿道球腺液,內含少量精子,所以就算冇內射都有機會導致懷孕。而女性嘅月經周期係受住好多唔同嘅因素影響嘅,包括飲食、運動、生活壓力等等,唔一定同懷孕有關,只要唔係遲多過一個星期,都算係正常嘅。

至於驗孕,其實性行為之後11日驗就已經足夠準確(飲水係冇影響嘅),所以你第16日嗰次驗孕係可靠嘅,可以肯定冇懷孕。加上你女朋友已經嚟咗月經,咁更加可以確定冇懷孕。

不過,都想提一提你,只要性器官有直接接觸,而且冇使用安全措施,就會有意外懷孕嘅機會。所以如果冇準備有小朋友,咁無論任何形式嘅性接觸,都要全程使用安全措施,先可以保障到自己同伴侶🫶🏻