感染非淋菌性尿道炎

同sp做完後發覺下面有啲問題,去咗睇社會衛生科抽血化驗,3星期後覆診,話我係感染非淋,開咗7日抗生素。依家食咗5日,雖然小便冇話好痛好灼熱,有大量飲水會成日去廁所,但每日早上都仲會有少少白色分泌物。想問問食七7日藥仲有症狀應該馬上去睇多次定等覆診先去呢?食咗5日藥都仲有症狀係唔係隻藥唔得呢?呢排搞到個人成日亂諗,精神壓力好大

你好,多謝你既分享。你已經睇左醫生正在療程中,所以可先放鬆少少,因為非淋菌性尿道炎係可以根治的。首先,非淋菌性尿道炎係由淋球菌以外的性病病原體所引起既尿道炎,主要是衣原體,其他則是滴蟲、皰疹病毒、念珠菌等。一般症狀包括:尿道痕癢,尿頻、尿痛,但症狀普遍較淋菌性尿道炎輕微。而你進行了5天既療程,相信係要完成哂整個療程,病徵才會完全消失同被根治。只要你係跟足醫生指引服用處方既所有藥物,係可有效根治非淋病性尿道炎。如果你在完成7天療程後,在第8天仲有徵狀,建議你可以先打俾診所嘅姑娘講述自己嘅情況,有機會姑娘會提早複診嘅時間,或者你亦可以要求早啲返去複診。但無論如何都建議你先完成這次7天的療程,千祈唔好私下停藥。另外,除咗跟足醫生指示服食抗生素療程,其實配合埋日常性器官嘅清潔都好重要。好似有啲人即使跟足醫生嘅指示服用藥物,但衛生習慣沒有改善,其實都會令細菌或者病毒繼續滋生。所以喺沖完涼之後記得抹乾性器官部位,避免着過於緊身嘅內褲同面褲,都有助改善衛生問題。
此外,已受感染既性伴侶亦應同時接受治療,否則當雙方再有性行為時,你可能會再次受到感染。而治療期間,你和性伴侶應避免有任何性接觸,直至雙方都已完成所有藥物療程,並且證實已經痊癒,才可再有性行為。為確保徹底根治這病,你康復後仍須接受醫生跟進同檢查。

非淋病性尿道炎大多數係進行性行為時,未做好安全措施。你提到性伴侶係SP關係,即你有機會唔清楚對方既性生活及性病史,所以性行為過程中,應全程並正確使用安全套。而安全套正確使用方式可去呢度參考:
https://www.instagram.com/p/B4EX0FVFLUf/
若需使用潤滑液,建議應選用水性/水矽混合潤滑液,避免使用油性潤滑液以防止安全套破損,而感染致病菌。在性行為後亦應用清水徹底清潔性器官,有助清除病菌,降低感染風險。
而避免與非固定伴侶發生性行為,亦有助於預防非淋性尿道炎。若有多重性伴侶,或常與陌生人發生性行為,應定期檢查是否感染常見性傳染病,如愛滋病、梅毒、披衣菌等,並應考慮接種HPV疫苗,降低感染性病風險。

想請問食完藥幾時要覆診?:pray:t2:

幾時覆呢個問題應該係你睇完醫生時,會有通知你。如果醫生真係無通知,你可以係完成哂整個療程時,自行搵醫生覆診,確保已經完全康復唔需要再食藥,如果完成療程後仍然有不適就更加要去覆診。