有食開事前避孕丸 但提早月經

本身有食開yaz 而家食到第三盒 我每日有準時食藥 都冇試過有食漏嘅情況 但係基本上每次性行為都係內射 之前兩盒食到白色嘅第三粒就會嚟M 但係今次明明仲有三個粉紅色 先到白色 但已經嚟咗M 比預期中早 想問吓咁樣係咪中咗獎定係身體出現咗啲咩狀況?:melting_face:

同埋想問埋 咁我而家應該繼續食本身盒藥(而家仲有兩粒粉紅色 四粒白色)定係開一盒新嘅食?:bowing_woman:t2::bowing_woman:t2::pray:t2::pray:t2:

想更新一下今日(2/2)狀況 今朝我衝左落去買咗支驗孕棒嚟驗 結果呈陰性 放心咗好多 不過啲M血唔係好似平時咁 佢係尋日有一大滴 之後又冇咗 到今朝又有兩三滴 不過好細滴 好淺色 想問吓知唔知係啲咩問題搞到咁?:bowing_woman:t2::pray:t2:

Hello~首先同你解釋返避孕藥嘅原理先,避孕藥係通過人造荷爾蒙去抑制排卵,改變子宮頸黏液嘅粘稠度,同埋改變子宮內膜環境,從而達致避孕嘅功效。所以,喺避孕藥嘅影響下,唔會好似平時月經咁,因為身體週期性荷爾蒙變化、排卵、然後未受精嘅卵子連同子宮內膜喺月經期間排出體外;服藥期間出現嘅「月經」其實係「撤退性出血」,即係服用活性藥物(粉紅色藥丸)期間,有荷爾蒙,而停藥/服用非活性藥丸(白色藥丸),其實冇荷爾蒙成份,而呢個荷爾蒙變化(下降)就會令到子宮內膜脫落,出現出血現象。因為你食到第三盒出現呢個情況,所以應該唔係正常嘅副作用,加上你每日都準時食藥,冇漏食。咁可能係因為呢隻避孕藥嘅荷爾蒙劑量唔夠高,喺你食下一粒之前,身體就已經吸收晒之前嘅藥物,所以當維持唔到身體喺一個高嘅荷爾蒙水平,就有機會出血。如果你係喺家計會配藥嘅話,建議你返去覆診,同姑娘商討下使唔使轉藥,不過你都係要食埋而家呢盒藥先。

因為你一直有食開藥,所以就算每次都內射,懷孕機率都係好低嘅。另外,都想問吓你今日驗孕距離你最後一次性行為隔咗幾耐?如果隔咗11日或以上嘅話個結果就已經足夠準確,可以肯定冇懷孕。

上一次進行性行為係尋日(1/2):face_holding_back_tears:
但係有一直食開藥 我諗應該安全?:thinking:
但係我想問吓咁呢段時間係咪都唔建議進行性行為?:bowing_woman:t2::pray:t2:

因為驗孕棒係透過檢測尿液中嘅hCG (人絨毛膜促性腺激素)含量,呢個激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。而你隔咗一日就驗,個結果係唔準嘅,所以可能要等多10日再驗。

另外呢種出血嘅情況仲可能係因為陰道嘅內側係好脆弱嘅,有陣時性行為嘅過程裏面太激烈都會整到陰道出血。暫時來講,會建議你嚟緊嘅3-5日都唔好再進行性行為,俾啲時間傷口去痊愈。與此同時都要留意吓分泌物嘅情況,如果發現分泌物嘅顏色有改變,例如變黃或者變綠,或者質地變得好似蛋白豆腐渣狀咁,咁就有機會係發炎嘅症狀。

你食埋呢幾粒粉紅色藥丸應該會再出血嘅,因為到食白色藥丸嘅時候,荷爾蒙水平會大幅下降,引致撤退性出血。如果你繼續食呢隻藥,但一直出現間歇性出血,咁就有機會需要轉另一隻藥啦!

好啊~唔該晒你嘅回覆 已經約咗時間去家計會搵姑娘傾吓 真係唔該晒你哋 解答得好詳盡~:bowing_woman:t2::pray:t2:🫶🏻🫶🏻

1個讚