你好啊，我26號來完m，琴日因爲痛男朋友太耐無見所以就做左，期間全程有帶套嘅，亦有帶套內射但性行為過後check返記錄先意識到今日係排卵期
即刻衝返去個垃圾桶度睇返個套灌水都係冇穿到，到今日個肚好似有啲隱隱作痛,就好驚有左
因為我地全程都係熄燈做，所以好驚有啲steps做漏/睇錯
Hello~因為你全程都有用安全套，又有灌水檢查，咁懷孕機率係好低嘅，唔使擔心
。 見到你好緊張排卵期，呢度都想分享少少有關排卵期嘅資訊俾你知：如果以月經周期28日計算，排卵期通常為下次月經來前的兩星期（14天）。 不過，因為經期受好多外在同內在因素影響，例如飲食、情緒、壓力、近期服用嘅藥物等等，所以我地要等到經期嚟咗，先至可以往前推算排卵期嘅確切日子 。就算以往嘅經期喺準時，都唔代表將來嘅經期都喺準時。除非每日都喺醫生嘅指導下用排卵試紙測試著有冇排卵，如果唔係就算睇返紀錄都好難知道自己究竟邊日排卵嘅。
反返轉咁講，排卵期甚至可以同月經重疊，只要冇用到安全措施，就算衝紅燈都有機會中。所以除非你每日都有做排卵測試，如果唔係，喺月經周期內任何一日發生性行為，其實個風險都差唔多（因為唔sure邊日排卵）。最緊要嘅係你有冇使用安全措施～只要你有用安全套，又冇出現穿套嘅情況，咁就算你唔肯定有冇做漏/錯step，懷孕機率都會大大減低嘅🫶🏻。
呢度都補充返安全套正確嘅使用方法畀你：
- 分清楚安全套嘅正反面先使用。如果唔小心將安全套反轉咗，就要開過一個新嘅安全套黎用。因為陰莖一旦唔小心接觸咗安全套出面，佢就已經被沾污，一定要用過個新嘅。
- 留意安全套有冇過期，唔好使用過期嘅安全套。
- 喺撕開包裝之前要檢查包裝有冇漏氣，打開之後要將安全套頂部嘅氣泡擠走先戴上去，留空間畀男性儲存精液，減少破裂嘅情況。
- 絕對唔可以做了一半後才戴套，因為男性喺射精之前已有少量嘅尿道球腺液流出，裏面含有少量精子，都會增加懷孕嘅風險。
- 做完之後，記得要喺陰莖仲勃起嘅時候抽出陰道，再將安全套拔出。檢查安全套有冇破裂後，再打結扔掉。
當然，暫時市面上冇100%嘅避孕方法（除非結紮），但只要做足以上嘅措施，個懷孕機率都可以去到98-99％，唔需要太過於擔心
如果你真係好擔心嘅話，可以喺性行為嘅7日或11日後進行驗孕，驗孕棒最早可以喺性行為嘅7日後驗出初步結果，而喺性行為嘅11日或以後驗出黎嘅結果係非常準確嘅。而驗孕嘅時候記住按照說明書嘅指示進行驗孕，並且按照有效時間去閱讀結果，以確保結果嘅準確度