過去兩個月食左家計會開嘅避孕丸，差唔多食哂第二盒嘅時候去左家計會覆診，因為副作用有啲大嘅原因，姑娘就話可以轉第二隻牌子，比左兩盒新嘅避孕丸。
但去到食完舊牌子避孕丸嘅第21粒避孕丸之後，正常應該係停藥7日再繼續食。但新牌子嘅避孕丸說明書上面又寫住，如果由其他牌子避孕丸轉過黎嘅話，應該要喺食完上一個牌子嘅第21粒之後第二日即刻食新牌子嘅第一粒。
但拎藥嗰陣家計會姑娘又冇特別講明應該要點做，咁應該要停7日藥再食？定係應該跟說明書寫話第二日即刻食？
Hello~
如果係呢個情況嘅話，跟返新嗰盒藥嘅說明書會比較好。因為唔同牌子嘅避孕藥，含有嘅荷爾蒙劑量都唔同，加上每個人嘅體質都唔一樣，所以跟返說明書會最準確。當然，如果擔心嘅話，你都可以預約家計會姑娘複診先，問咗姑娘嘅指示先至開新嘅一盒。