之前個避孕藥食左兩粒仲可以食嗎

係三個月前開左一盒避孕藥唔記得左係咩原因食左兩粒就冇食到,呢排book唔到家計會攞藥,請問呢一盒仲可唔可以繼續食?係21粒的但少左兩粒

Hello~多謝你嘅提問:heart:首先如果嗰盒藥丸係未過期嘅話,咁係可以繼續食嘅。不過因為佢少咗兩粒,所以你要喺食完呢排之前買多新嘅一排,補返兩粒。即係話你總共都係要食21粒嘅,只係佢哋唔係來自同一排。至於新開咗個排,你食完兩粒之後可以留低,for有特殊需要嘅時候,例如跌咗粒藥,或者食完之後有屙嘔嘅情況,用嚟補食。

另外,避孕藥唔係剩係得家計會有得買,一般藥房屈臣氏萬寧都有得賣,不過當然要睇返你食嘅係邊一隻牌子,同埋記住搵可以信賴嘅藥房購買,買嘅時候都要留意有冇過期,同埋係咪正貨等等。

希望以上嘅資訊可以幫到你🫶🏻