唔知係咪有咗

之前已經開post 問過
當時7/1搞完後
28號朝驗孕
結果為negative

上一次m嚟係12月24號
30/31號驚冇嚟m
飲咗樽廿四味
之後1/2就m嚟

頭一兩日都係紅色血量多
之後斷斷續續都係紅色量少
平時就第五日仲好多

而且覺得個肚大咗小小
唔知係咪有咗?

Hello~好似我之前所講

7號距離28號中間隔咗21日,所以好肯定你係冇懷孕嘅。加上你中間已經嚟咗一次月經,所以可以更加肯定冇懷孕嘅可能。

至於月經係受住好多唔同因素影響嘅,飲食習慣、壓力、睡眠質素等等都會有影響。所以一般嚟講比平時早/遲嚟一個星期都係正常嘅,唔需要太緊張。除非月經遲咗三個星期都未嚟,咁就需要睇醫生,睇吓需唔需要開催經藥畀你。不過因為你1/2已經嚟咗月經,所以係唔需要擔心嘅,亦都唔需要睇醫生。

至於月經嘅血量,好似我上面咁講,係受住好多唔同因素影響嘅。你嘅心理壓力同埋身體狀況亦都會反映係經血上面。雖然你話經血量少咗,但唔係點滴狀,所以從文字上面嚟睇,無需要擔心嘅地方。

至於你話覺得個肚大咗,好大機會係因為嚟月經嘅時候水腫,或者心理壓力所導致。基本上只要嚟完月經+放鬆心情,呢個症狀就會消失。

如果你真係好擔心,可以驗多一次孕。但係就要同自己講,驗埋呢次都係negative嘅話,就要相信自己係冇懷孕嘅,跟住就要將生活嘅重點擺返喺其他地方,唔好再擔心呢樣擔心果樣啦!🫶🏻

好的, 謝謝解答。

1個讚