我連續兩個月都有嚟m，血量同日子都同之前一樣，咁係咪100%冇BB
你好，根據你既情況睇，你並沒有懷孕，所以可以放心。聽你所講，你平時既月經周期應該算係穩定，而在剛過去兩次月經既血量同日子都同之前一樣，證明你既月經周期係正常。如果正在懷孕，生理周期係會改變的，如：沒有月經。
另外，即使懷孕亦有可能出現所謂「假性月經」，即著床性出血，是受精卵著床後所發生的植入性出血，並唔係真正月經，通常呢個現象會發生係懷孕頭三個月。但著床性出血不是因正常子宮內膜剝落而產生既月經，所以它既狀況同一般月經唔一樣，會係血量少、顏色較淡的。而且時間比較短，大多數孕婦只會出現一次著床性出血，極少數會出現2-3次。所以你既情況係已排除著床性出血，屬正常生理期月經情況。
不過也想了解下，你在過去兩個月經周期內有無進行過驗孕？若果已進行驗孕，相信結果就是了。如果沒有，你又想自己更安心，可使用驗孕試紙或者驗孕棒進行一次驗孕，係萬寧、屈臣氏買嘅驗孕棒，只要冇過期，並且有按照說明書操作，大多數情況下都係準確嘅。
所以你唔使太擔心啦，放鬆啲！不過唔想有懷孕風險，性行為時記得要做足安全措施，就唔使成日提心吊膽啦！