今日同男朋友戴套做 咁期間佢擳左幾下ky 方便容易d入 不過啱啱摸到條底褲有少少濕濕地ge分泌物 一開始諗緊會唔會係精液 不過質地好唔同 唔知咩嚟 好黏ge質地 唔知係咪因為男朋友抽插速度快ge原因 聞落去無味 呢d係高潮ge分泌物定係ky嘅殘留物 定係其他野?
可能影張相會清楚d
同埋有樣嘢想問 前年年少無知 兩個月內食左兩次事後丸 加上平時生活習慣都比較差 成日會唔瞓覺 之後睇醫生 醫生話證實我有甲亢(甲狀腺亢進) 咁醫生話我甲狀腺荷爾蒙比正常人高兩至三倍 唔知係咪因為事後丸係高劑量人造荷爾蒙 仲要兩個月內食兩次 所以搞到超標 兩者會唔會有關聯?
Hello！
先回應返你第一個問題，就你既相片所見其實好難憑肉眼去分別呢啲係咩野液體，亦無從法準確排除不是精液。但精液正常來講，剛射出來既精液會像啫喱狀，係呈乳白色的，但經過10至20分鐘後，啫喱狀既精液會液化，變成水狀液體，呈半透明色的。根據你所講既情況，在性行為之後發現不明液體，理應是距離完事一些時間，所以若然是精液，其狀態應該多呈液化狀態，而非相片中的黏稠狀態。加上在性行為時有使用安全套，若有正確使用，而且安全套嘅尺寸啱，精液應該很少機會外泄，所以這些不明液體很可能係潤滑劑混合陰道分泌物而產生的。
至於，你擔心是否因服食事後避孕藥導致甲亢，相信兩者並沒有太大關係。
首先，事後避孕藥既常見副作用係包括：噁心、嘔吐、不正常出血、乳房疼痛、腹脹、腹痛、頭昏、頭痛、疲勞等，而且係會在服用後24小時內消退，過往亦沒有醫學提醒服用事後避孕藥會導致甲亢既可能性，所以理應係安全的。而且導致事後避孕藥中的人造荷爾蒙係黃體酮，跟甲狀腺荷爾蒙係兩種不同的荷爾蒙，所以這些人造荷爾蒙不會影響甲狀腺的荷爾蒙正常分泌。
導致甲亢進既原因則有好多，可以係自體免疫失調、因細菌、病毒導致甲狀腺發炎而引起等等。如果你擔心兩者會有關係，你可以向家庭醫生查詢一下。另外要提醒一下，凡採用事後避孕藥時，都要先經過醫生評估然後處方，千祈唔好自行到藥房購買服用，因為唔係人人都適合服用事後避孕藥的。就算經醫生評估後適合服食事後丸，也只可在一個月經周期內服用一次事後丸，如果你選擇左服食事後丸，係周期餘下既日子就要採取較安全既措施去避孕。這才是正確使用事後丸既方法。
多謝你地嘅解答先！仲有樣嘢想問 如果我喺醫院抽血check甲狀腺 咁我想問醫院佢地會唔會check到其他相關嘅嘢例如aids？定係佢地抽血就只係會focus喺甲狀腺嘅檢查？
醫院抽血嘅話，係只會用嚟check甲狀腺嘅。因為抽血員抽血嘅時候會根據醫生嘅指示，抽取相對應嘅血液樣本數目。即係話如果佢淨係抽咗一筒血，就淨係會用黎做一個測試，驗一樣嘢（驗多樣嘢要額外收費㗎
）。當然血液成份係例外嘅，所以你望住自己個驗血報告會見到好多睇唔明嘅指數。
如果你懷疑自己係上次性行為裏面感染咗性病嘅話，都建議你考慮去以下機構做免費嘅性病測試。
政府社會衛生科服務診所：各類型性病檢查（較全面
，能即時知結果及比藥
）
關懷愛滋：25歲或以下青少年、男男性接觸者－愛滋滋病病毒／梅毒／淋病／衣原體／丙型肝炎
香港愛滋病基金會：愛滋滋病病毒／梅毒／丙型肝炎
再思社區健康組織 (C.H.O.I.C.E.) ：愛滋病病毒／梅毒
*因為最近受疫情影響，建議前往之前，先到相關網站睇下機構有無開～！
暫時可以先留意自己身體有無出現明顯病徵。如果已經出現下體痕癢、小便刺痛、分泌物異常、下體生粒粒等病徵時，就可以先及早求醫。不過如果未有出現明顯病徵的話，都建議考慮三個月（三個月已經過左大部分性病嘅空窗期）後，再一次過去做一個全面嘅性病檢測，會比較準確 