關於陰道感染

本人分泌物有點兒多,白色,有點腥味,且陰道附近有痕。請問是什麼?感染嗎?

Hello~多謝你嘅提問:heart:排卵期嘅時候分泌物係會增多嘅,一般嚟講約1-2個星期就會恢復。但如果你分泌物增多嘅情況已經持續咗一段時間,加上有異味(魚腥味),同埋有痕癢嘅情況,咁就有可能係細菌感染。常見嘅疾病有念珠菌感染,尿道炎,同埋陰道炎。如果分泌物嘅顏色變黃/綠,同埋陰部出現紅腫,灼痛嘅感覺,咁就代表已經發炎。建議你盡快去睇醫生:pleading_face:

咁以我嘅狀況洗唔洗睇醫生?同埋有魚腥味點解決好!?

如果已經有魚腥味嘅話,咁其實好大機會係發炎嘅徵兆,加上你有痕癢嘅情況,咁盡快睇醫生會好啲:pleading_face:。醫生多數會開抗生素或者塞藥俾你治療,早啲發現嘅話治療時間都會短啲。

不過如果你唔肯定嘅話,可以等多幾日觀察吓先。但係你就要頻密啲清潔陰部,最多三個鐘就要更換一次護墊,亦都要暫停進行性行為,避免交叉感染。如果情況冇改善嘅話,就要睇醫生啦!

應該要睇咩醫生好,好尷尬

你可以選擇去公立醫院或者私家診所求診。如果怕尷尬,可以搵同性嘅婦科醫生幫你做檢查。你可以先同醫生講你分泌物有異味同埋痕癢嘅問題,醫生會睇情況決定需唔需要你瞓低做檢查。通常醫生會檢查陰部有冇紅腫痛嘅症狀,用嚟判斷發炎嘅程度。而成個診症過程係好快速嘅,所以唔需要緊張~