我就好簡單，高潮就高潮，好舒服
不過都試過俾男朋友搞到潮吹 
咁要即刻洗床單
但男朋友就好似一定係會射精，咁就一定要清潔（前提當然係冇用condom）
所以想問下，其實男仔舒服係因為高潮定係射精？如果高潮都已經能夠覺得好舒服嘅話，有冇可能可以淨係刺激到佢高潮，而唔射精？
Thank you 
我咁樣問係因為想佢可以享受得耐啲
hello你好啊
其實高潮係一個過程嚟嘅，而射精就係一個人喺高潮嘅過程中感到好舒服時嘅一個反應，所以by definition,係可以高潮（感到性興奮）而唔射精嘅。
喺性行為中，射精唔等於完結嘅，雖然男仔喺射精後可能會比較攰，但都可以繼續愛撫啊kiss等等，可以提升大家嘅滿足感。坊間亦有說法指喺男仔射精後即刻幫佢口交，可以令對方更加舒服，不坊都可以嘗試下:)
唔該你啊
咁其實有冇話有啲咩技巧/方法可以令一個男仔高潮而唔射精
其實要男仔高潮而唔射精係好難嘅，因為好多時候射精變咗做高潮嘅指標。如果對方已經足夠興奮同舒服，佢係希望射精嘅話，咁應該允許佢射精，因為咁樣可以令佢嘅舒服程度達到成個性方為裏面嘅最高點，要佢唔射精高潮即係等於要佢忍耐住/轉移注意力去唔射精，兩者係矛盾嘅。如果對方已經射咗一次，咁接住刺激佢嘅話，係有機會達到第二次高潮而冇射精嘅。不過，能唔能夠有第二次高潮係好睇個人嘅身體狀況嘅，而通常第二次高潮嘅舒服程度都會比起第一次有射精嘅低。所以客觀嚟講係冇任何技巧/方法可以令一個男仔高潮而唔射精嘅，反而而取決於佢嘅身體狀況同個人取向～
前幾日同男朋友睇返 你的名字
跟住佢又話想同我交換 
佢問我點解高潮咁舒服嘅事女仔可以連續幾次，但男仔淨係可以一次，就算夠後生 第二次高潮都係要唞一陣先
咁我就諗 射精之後唔再勃起係因為唔畀陰莖長期充血？係保護機制嚟，避免缺氧
咁女仔唔係一樣都會充血咩？定係女仔嗰種充血同男仔唔同？
所以我開咗post問呢個問題，睇下可唔可以等佢都體驗到連續高潮
原來要男仔高潮而唔射精係好難嘅 
Hello~明白你會對
有好奇嘅～其實呢個情況好多時係因為男女高潮嘅時候，身體分泌嘅荷爾蒙分量唔同，同埋上升下降嘅幅度唔同所導致嘅。當我哋高潮嘅時候，體內掌管大腦情慾及感覺嘅神經遞質多巴胺會分泌至高點。男女唔同嘅地方就在於，男仔體內嘅多巴胺係會喺短時間內上升同埋下降嘅，幅度亦都較大，而一般嚟講多巴胺上升嘅頂點，亦都會比女仔高。即係話男仔「爽」嘅呢個感覺，比女仔更加強烈，但係嚟得快又去得快。相反，女仔體內嘅多巴胺，係會隨着刺激慢慢上升嘅，上升嘅幅度同埋頂點都比男仔低。因為荷爾蒙水平跌得冇咁快，所以只要俾多少少刺激就可以再次上升，感覺上就係第二次嘅高潮。而男仔通常係射精完結之後，荷爾蒙嘅水平就會跌到落底，進入所謂嘅聖人模式，所以冇咁容易再高潮。
以生理角度嚟睇，聖人模式嘅產生主要因為我上面所講，當男女高潮時，體內掌管大腦情慾及感覺的神經遞質多巴胺會分泌至高點，而於此同時，人體內嘅催乳激素亦會同步分泌以抑制亢奮，所以喺達到高潮之後，大腦反而會進入清晰、穩定嘅狀態。對於五感嘅刺激亦會減低，所以可能會出現無論點樣愛撫，陰莖都冇辦法勃起多次嘅情況。
至於你講緊呢個情況：
亦都有關係嘅，不過影響就冇上面講嘅原因咁大。女仔同男仔一樣，性興奮嘅時候陰莖／陰蒂都係會充血膨脹。不過因為體積嘅差距，要令到陰莖充血係會需要調動多啲紅血球嘅。雖然未至於會缺氧，但係如果長時間勃起唔射精，啲血「焗咗」喺下面太耐嘅話，係有機會令身體受損嘅。
上面嘅資訊都係通過生理學嘅角度同埋科學驗證去解釋你嘅疑問。不過人始終係存在個體差異嘅，所以都有部份男性係能夠做到連續兩次高潮嘅。如果想自己嘅伴侶能夠延遲射精嘅話，除咗可以訓練斷續射精之外，仲可以叫佢喺同你進行性行為嘅嗰一日朝頭早打一次飛機先，降低身體嘅敏感度同埋意欲，咁去到夜晚同你做嘅時候，就可以遲啲先射精啦！
佢就係話 當自己就嚟高潮嘅時候，如果想extend，就一定要停低，等感覺慢慢消失先至再繼續
但女仔就冇呢方面嘅concern，仲話如果喺我就嚟高潮嘅時候停低 驚我殺咗佢都似 
笑死
原來係因為男仔體內嘅多巴胺上落嘅幅度比較大
而女仔荷爾蒙水平跌得冇咁快
明白喇，唔該晒٩(^ᴗ^)۶
嗯嗯～你可以想像你男朋友係一架車，不過就淨係得加速同剎車兩個功能，冇減速。當速度太快，就要剎一剎掣，先可以慢啲到終點。所以如果佢喺你就嚟高潮嘅時候停低，因為「架車」仲向前行緊，突然剎車會令你（乘客）因為慣性向前撞，可能會因為唔係直達終點而唔開心
。不過呢～性行為呢樣嘢係好睇雙方磨合嘅，要根據大家當時嘅感覺調整，都唔係話愈遲高潮就愈好㗎！
剎車唔係即係減速咩
定係你嘅剎車係指「重dup」，一下就停低
而減速就係指輕柔剎車？
所以佢剎車 我呢個乘客就會因為慣性向前撞 
是但啦 
明就得
Thank you 
剎車唔係即係減速咩
定係你嘅剎車係指「重dup」，一下就停低
而減速就係指輕柔剎車？
所以佢剎車 我呢個乘客就會因為慣性向前撞 
是但啦 明就得
Thank you
1個讚