陰莖接受刺激嘅能力低?

點解男仔比起女仔咁容易/快就高潮
/
點解女仔比起男仔會難啲/耐啲先至能夠高潮

係器官接受刺激嘅能力唔同?
定係基因嘅影響?

Hello你好啊
根據統計,以女性嘅一生嚟講,大約只有30%女性曾經感受過陰道高潮,但係有70~80%女性可以達到陰蒂高潮,而且仲可以高潮好多次。

其實女仔係比男仔更加容易高潮嘅,以陰蒂高潮為例子,陰蒂頭就可能擁有超過8,000條感覺神經末梢,比起男性嘅龜頭,以至整根陰莖所擁有嘅更多。陰蒂係女性好敏感既部位,許多女性都可以通過單純刺激陰蒂而達到高潮。不過就可能較少經歷到陰道高潮,係因為喺陰道嘅神經末梢比陰蒂所擁有嘅少。所以一啲體位,例如女上等,會比較刺激到陰蒂,容易啲高潮。

喺性行為中,對女仔嚟講,高潮係要鋪排嘅,例如有足夠嘅前戲會令女仔易啲高潮嘅。敏感既部位又因人而異,有啲人會有所謂陰道內部既G點,但有啲人又冇,所以都可以透過自慰,多啲探索自己嘅身體,揾下敏感嘅部位,例如乳頭,耳仔等,再同對方溝通,引導對方幫助你易啲達至高潮。

哦~原來女仔係比男仔更加容易高潮
咁可能係我男朋友容易高潮/我相對難高潮?
因為我曾經試過用手令佢喺半分鐘之內就射咗,當然手速係好快
所以我先至會有陰莖接受刺激嘅能力比較低嘅疑問
Thank you :hugs:

「女仔比起男仔容易高潮」嘅呢一個講法係根據神經末梢嘅數量比較出嚟嘅。不過技巧同刺激嘅位置都有影響。雖然女仔較容易高潮,但係要刺激到女仔比較敏感嘅位置都唔係容易嘅(大多數人係唔知道陰蒂喺邊嘅,更勿論陰道裏面嘅A點同G點:see_no_evil:)。相反男性嘅陰莖喺性興奮嘅時候會攰起,變得好明顯,所以由技巧嘅層面嚟講,係容易啲令佢高潮嘅。