已經食了優悅避孕藥4個月調經，期間經期十分準時，都是在無藥期間（白色藥丸4天期間）來經。
但今次到了食白色藥丸最後一天仍然未來經期，我應該繼續開新一盒食，還是停食，等來經後第一天才開新一盒食用?
Hello～首先同你解釋返避孕藥嘅原理先，避孕藥係通過人造荷爾蒙去抑制排卵，改變子宮頸黏液嘅粘稠度，同埋改變子宮內膜環境，從而達致避孕嘅功效。所以，喺避孕藥嘅影響下，唔會好似平時月經咁，因為身體週期性荷爾蒙變化、排卵、然後未受精嘅卵子連同子宮內膜喺月經期間排出體外；服藥期間出現嘅「月經」其實係「撤退性出血」，即係服用活性藥物（粉紅色藥丸）期間，有荷爾蒙，而停藥/服用非活性藥丸（白色藥丸），其實冇荷爾蒙成份，而呢個荷爾蒙變化（下降）就會令到子宮內膜脫落，出現出血現象。而因為冇排卵，所以經血量會少啲，有啲服用者會冇出血。而就算冇出血，對身體係冇好大影響嘅，所以唔洗擔心，可以跟返個規律照開新一排，唔需要等出血先開，以免影響已建立嘅藥效。