食左六日可以無套嗎

[aaby]

上個月因為身體問題係食完後停左兩個星期先再開始食，但最新一排只係食左6粒，即係六日，請問無套安全嗎？

[Cherry_StickyRiceLove]

Hello~多謝你嘅提問首先避孕藥係需要時間建立藥效嘅，因為你之前停咗兩個禮拜冇食，所以要重新建立藥效。如果你新嘅呢一排係喺嚟月經嘅頭五日內服用，咁頭一個星期都需要配合其他外用嘅安全措施，例如安全套，先至可以確保避孕效果。如果你開始食呢一排嘅時候唔係喺月經嘅頭五日內，咁喺之後嘅兩個星期都需要配合外用嘅安全措施。如果淨係食咗六日嘅話，藥效係未建立好嘅，如果發生唔安全嘅性行為，就會有一定嘅懷孕機率。所以建議等藥效建立咗之後，先考慮唔用安全套。不過呢度都需要提醒你，只有使用安全套先能夠有效咁預防性病嘅傳播。除非你同你嘅伴侶都有做過性病檢測，如果唔係嘅話都希望你考慮清楚先至進行無套嘅性行為。進行性行為之前雙方亦要達成共識，確保大家都得到保障🫶🏻。