按摩手淫後擔心

三日前去按摩,技師用手加BB油手淫
事後擔心會不會得性病
是否有需要去做一次全面檢查

Hello 根據你所講嘅情況,感染性病嘅風險係好低的。

首先,性病主要嘅傳播途徑透過體液,例如精液、腸液、尿道球腺分泌(Pre-cum)、陰道分泌、血液,接觸過身體比較薄嘅黏膜組織,例如肛門、口腔、陰道,或者傷口先傳播到病毒。當然亦有部份性病能夠透過其他媒介例如毛巾感染,例如椰菜花同陰蝨,所以如果場所提供嘅毛巾唔乾淨或者有同技師共用毛巾,都會有少少風險。

如果你喺按摩期間都冇進行黏膜組織會互相觸碰到嘅性接觸(例如口交、肛交及陰道性交),其實傳染到性病嘅風險係極低。再加上,其實對方亦未必會有性病,我地都唔應該假定咗對方係有提供性服務所以就一定有性病,如果對方身體係冇病毒或者細菌。
就不可能傳染到性病。所以其實都唔需要太擔心自己感染到性病。

當然,如果你始終唔放心,都可以做性病測試。唔同嘅非政府機構,例如關懷愛滋、香港善導會水銀星三號、香港愛滋病基金會、再思社區健康組織等等都有提供性病測試,或者你都可以去私家醫療服務中心或者衞生署社會衞生科診所進行測試。不過其實性病係有空窗期,就算真係感染到有性病,而家即刻去驗都係冇咁快驗到嘅,起碼都要等三個星期之後先至會驗到。

另外提醒返,如果之後想再接受相關按摩服務但又有所擔心嘅話,可以喺進行時戴安全套,咁就可以防止大部份嘅性病感染喇。

希望解答到你嘅疑問~~

多謝回覆,
打算14日後做一次P24加STD份面檢查,等自己安心一點

你好,想問你最後係咪冇事?因為我情況同你一樣依加好擔心

Hello~因為唔同人嘅體質唔同,遇到嘅人唔同,經歷亦都唔同,所以感染性病嘅風險係唔一樣嘅。建議如果有懷疑嘅話,可以喺三個月後去做性病測試,如果唔想等咁耐經濟狀況有容許嘅話可以選擇去私家診所驗血,或者使用DNA檢測,個結果都係有參考價值嘅~

中間做了幾次快測
夠九十日再去抽血驗P24 combo同梅毒
兩樣都陰性

你好,我見urban medical個網話14日空窗期就可以驗哂hiv hpv hsv2同梅毒,咁短時間其實準唔準確?

Hello~一般來講,hiv係需要三個月嘅空窗期先至可以驗到嘅,而hpv就因為型號眾多,所以空窗期係可以好diverse嘅,究竟佢係檢測邊一種可能會問返間中心先至知道。至於hsv2最早可以喺兩至三個星期內檢測到,但呢個時限都係因人而異嘅。因為而家市面上有好多間醫療中心都標榜佢使用嘅檢測方式係與眾不同,可以喺短時間內測到性病,有啲甚至會拎出唔同嘅研究結果做證明,所以我哋都好難去判斷佢嘅真假,只可以為你提供客觀嘅事實做參考:pray:t2:

Thanks! 同埋想問下梅呢咁?

梅毒空窗期大約係二至四個星期,係因人而異嘅。