個套穿左有啲擔心大肚

[mary123]

你好呀我係家計會攞的事前避孕藥，第一次食，到今日發生性行為之前總共係食左7日事前藥，今日發生行為後發現個套穿左，有啲擔心，請問食左7日避孕藥有冇效？平時17號開始月經。家計會姑娘話上個星期攞到藥就可以開始食，食既時候唔係經期內，呢種情況我需要預約家計會緊急避孕嗎？謝謝

[Feii_StickyRiceLove]

Hello​一般嚟講，我哋都會建議第一次食事前避孕藥需要喺經期內食，同埋如果需要喺食藥後七日進行性行為，都配合返安全套嘅使用，咁就可以保障避孕效果。其實食咗七日藥，藥效已經係身體發揮，但見到你今次嘅情況都發生喺食避孕藥嘅適應期之內，所以都建議食返事後丸，當然你都可以諮詢家計會醫生同姑娘嘅意見，睇吓佢哋覺得你嘅情況適唔適合食，始終你嘅身體啱啱適應事前避孕藥嘅藥效，而事後藥係屬於高劑量嘅人造荷爾蒙，並唔係所有人都適合食，所以如果擔心嘅話，都可以先約見家計會嘅姑娘。