男女感情事

我本身中意一個女仔,佢本身都對我有好感,但系之後我因為想見多d佢,所以成日出現係佢面前,佢因為咁樣而覺得反感,依家佢鐘意第二個男仔,佢地係ig,fb到po野,我睇到果陣真係好心酸,朋友都話我冇可能,我都同左自己講要放棄啦,但系次次講完之後都會唔捨得,總系覺得自己仲有機會,請問我應該點樣做?

姐係對方已經拍緊拖?你會唔會覺得好唔開心?

首先,你要好清楚自己究竟想得到d乜?你真係想同佢拍拖?定只係因為覺得不值?你要諗清楚。

如果你確定係鍾意佢,你而家打算去追對方返黎,咁換言之你將會係情敵,第三者。我唔會話第三者一定係壞人,本身愛情冇咩對與錯,純粹觀點與角度問題。不過你要清楚明白,究竟你承唔承受得起,成為情敵,第三者嘅身份所帶黎嘅壓力。

如果你確定要咁做,你而家就要思考,究竟之前做錯咗d乜?自己係咪真係逼得對方太緊,抑或係有其他原因?有時女仔未必真係你成日出現而討厭你,而係有其他嘅因素,影響佢對你嘅感覺。

如果你確定放棄,咁你即係要離開佢,要盡快收拾自己嘅心情,繼續自己嘅生活。你可能會覺得沮喪嘅,有時亦會掛住對方,咁我覺得最快嘅方法,當然係嘗試去嬲對方,係心入面話對方唔識貨。我唔係要你報復,而係人多少都需要發洩。

好多時候,d人感情失敗都會失去自信,覺得自己好失敗,咁我覺得唔好,我寧願你試下嬲對方,咁係果一刻,你會好過d,亦會建立返自信。

發洩完之後,你唔可以由得怒氣繼續發洩,咁你只會變得充滿戾氣。你呢個時候,就要重新審視,好似做account咁,係腦入面點算下你地嘅快樂同不快樂嘅時刻,讓你地嘅過去,成為你成長,或者你以後回想都會甜笑嘅回憶。即使開心唔開心,以後睇返都係甜蜜。

最後,我想講嘅就係,我只關心你嘅感受,你以後嘅人生,所以我希望同你講,你要明白愛情最有教育意義嘅地方,就係教曉我地兩點:

  1. 你愛多少,不代表對方也要愛你多少。愛情是雙方的事。
  2. 現實永遠不如你想像,永遠要打最壞的打算

ps:信不信我由你

3個讚

如果我做情敵嘅話,只系會帶比佢壓力,呢個係我唔想咁樣嘅,要嬲佢嘅話,我又嬲唔到,個心做唔到,可能放棄先係最好嘅選擇?

或者你自己都已經考慮過放棄?始終感情唔可以勉強…
你地仲有冇機會做朋友?

選擇放手,內心祝福佢幸福,都係一個正面嘅做法。

1個讚

應該冇乜機會啦,我唔會好似對朋友咁對佢,因為我鐘意佢,再留系佢生命入面都冇意思

希望你調整到你心情啦,好難逼自己唔鍾意一個人,我好明白。時間會幫你恢復,你要加油喔。

2個讚

如果你覺得繼續面對她是一件很辛苦的事。那麼你現在真的要開始說服自己離開她,希望你不要怨恨她,我說的只是讓自己心裡好過一點的方法,並不是真的要怨恨誰。

希望你能早日走出她的圈子,繼續自己的生活

1個讚

[Update]
前排女仔鐘意嘅果個男仔拒絕過佢表白,但系又成日見到佢地2個一齊出街,食飯,見到個男仔對佢唔係好熱情,但系女仔就好熱情,我覺得自己都係放唔低,佢依家whatsapp block左我,不過我仲可以fb揾佢,但系我冇,因為我怕佢block埋,就連佢近況都睇唔到,究竟幾時先係一個好嘅時機去揾翻佢?先唔講做朋友定係男女朋友,起碼傾翻計先

P.S。唔好意思我咁煩

我諗你既然選擇左離開,就真係要戒左留意佢嘅行蹤,例如個男仔同你對象對對方熱情與否,我覺得係留意得太過了,最後就變成庸人自擾。

暫時亦唔好妄想到好快可以做返朋友,我感覺到佢對你嘅存在有戒心,唔係又點會block左Whatsapp?做唔做得返朋友一方面要耐心同時間,另一方面就係你個對象嘅性格啦。有啲野強迫唔黎,如果你心理上仲未將對佢嘅感覺沈澱,係好難係友誼上面有進展的。

2個讚

我發現自己嘅選擇,同自己所做嘅完全唔同,每日等車都想見到佢,經常去睇佢ig,faceobook,而且我性格都好似變左,成日都鐘意自己一個…

1個讚

你係需要獨處嘅時間去調整個心情呢

傷口剛結疤,按下去還是會痛痛癢癢。給自己一個遠一點的期限,不要逼自己太快康復,這只會是另一個傷害。

1個讚