Sorry 想問下 上兩星期同女朋友發生性行為 係佢外面磨 但有使用到安全套。用手摸佢私處果陣 手指都沒有沾上精液。即使最後幫我解決完果陣 都立即用紙巾抹並洗手。
但原本11號黎m 而家都冇黎。琴日都用咗驗孕棒，結果都係一條線。想問下咁係唔係冇懷孕機會
。
同埋會唔會因為之前發燒病咗同壓力關係 影響咗黎m既日子
Sorry 打咗咁長 因為好擔心女朋友有咗 同擔心佢身體
Hello~多謝你嘅提問
首先，精子暴露喺空氣中通常幾分鐘內就會死亡，而且精子需要有精液嘅保護先可以生存，所以當接觸到皮膚、紙巾等表面嘅時候，精液會被吸收同揮發，進一步減低精子嘅存活率。加上尿道球腺分泌只含有少量精子，冇插入冇射精嘅話，懷孕機率係好低嘅。而琴日驗孕，佢哋嗰啲性行為已經隔咗兩個星期，即係11日以上，所以個驗孕結果已經非常準確，你女朋友係冇懷孕嘅，可以放心。
至於月經延遲嘅原因有好多，體重過輕，壓力大，生活唔規律…都會導致月經遲嚟。所以你話佢發燒病咗同埋壓力大都係會影響經期嘅。除非月經比起平時遲咗三個星期以上都未嚟，先至需要睇醫生，等醫生考慮會唔會處方荷爾蒙藥物畀你去催經。現階段可以放鬆心情再等下先～