hello 我有d關於食避孕藥既問題想請教
之前睇話第一次食避孕藥最好係月經第一日
我就上個禮拜 6/2 黎第一日
果晚就開始食第一排yaz
但係唔知點解我到今日16/2 月經仲未斷尾
我覺得食到而家 都無任何特別副作用
只不過頭幾日d經量仲多左
想問我係咪食錯藥 因為我係第一日食粉紅色，其實係咪要食白色？
我睇其他問答話 藥丸雌激素低 唔夠 都可以能會令月經不止，咁如果真系過低，我需唔需要換藥？仲有無避孕既功效？
如果我想利用避孕藥調經
避開某d時間 或者某段時間之前
係咪直接停藥 就會即刻黎月經？
因為我之前平均1.5-2個月黎一次
咁我開始食之後 係咪keep返28日一個period？
希望可以解答我既疑問 thanksss
Hello你好啊
首先，想問吓你係食避孕藥之前有冇睇過醫生，因為唔係個個人嘅身體狀況都適合服用避孕藥，例如有心臟問題、糖尿病、高血壓、免疫系統問題、肝臟問題嘅人就通常唔建議食避孕藥，而且市面上有好多唔同牌子/款式嘅避孕藥，每款含有嘅荷爾蒙成份同劑量都唔同，所以建議第一次服用避孕藥之前，要睇吓醫生，等醫生幫你檢查下你嘅身體狀況係咪適合食，同埋適合邊一款藥。家計會/母嬰健康院/某啲私家診所都有提供呢個嘅服務，你有需要嘅都可以去預約㗎。
首先想同你解釋返避孕藥嘅原理先，避孕藥係透過耶穌荷爾蒙去抑制排卵，改變子宮頸黏液嘅黏稠度，同埋改變子宮來摸環境，從而達致避孕嘅功效。所以係避孕藥嘅影響下，唔會好似平時月經咁，因為身體周期性荷爾蒙變化、排卵、然後未受精嘅卵子連同子宮內膜喺月經期間排出體內；服藥期間出現嘅月經其實係撤退性出血。
1)你食粉紅色嘅藥係啱㗎，至於白色嘅藥丸係完全冇藥性嘅，只係用嚟幫你維持每日食藥嘅習慣。
2）冇錯呀藥丸嘅荷爾蒙劑量唔夠高嘅話，會導致子宮內膜脫落你可以留意吓啲血係杰定稀，如果係相對杰身嘅話，就有機會係因為荷爾蒙水平較高而導致嘅月經，咁樣係會影響避孕嘅效果。
係到都想問吓有冇記錄返之前月經嘅情況？見到你之前嘅月經周期都可能比較長，咁同樣地出血嘅日子都可能比較長，都可以留意番今次嘅出血量同過往嘅有冇好大嘅分別，不過因為你係啱啱開始食藥，可能身體未適應避孕藥，所以就會有不規則出血嘅情況，不過呢啲都係暫時性嘅，都可以觀察下出血情況先，如果情況持續，就需要睇醫生。
3）避孕藥可以做到調經嘅效果，不過都需要睇醫生先，由醫生判斷你呢個情況可唔可以透過食避孕藥做到調經嘅效果。例如因為食避孕藥會令到月經量變少，有啲人可能本身出去量都比較少，食埋避孕藥之後就直接冇月經。透過人造荷爾蒙抑制排卵，當你食白色藥丸（即係冇藥性嘅藥），就會有月經，所以如果你想keep番28日一個period 嘅，你就喺食完一盒藥之後，照樣keep住食，唔需要停㗎，會喺食白色藥丸嘅時候就有月經。不過係啱啱食藥嘅頭三個月，都可能會有不規則嘅出血，月經都未必咁快穩定到。
多謝你既詳細回覆啊
我而家d血都keep住比較杰身
甚至我可以feel到我 必 佢出黎
咁我而家都係停藥先 因為我係自己打算食
咁我下次月經黎再約醫生睇
睇下我啱食邊款藥 唔該曬～