每次sex前會摸女朋友豆豆位置，但每次摸女朋友都係話無乜感覺，淨係有啲嘢撩下咁，佢本身無自慰，但會係夾腳嘅時候會有感覺，而插入身體嘅時候，個感覺都唔會強烈
之前有睇過啲文章係講女仔嘅包皮過長，所以蓋住左敏感位置，我可以點樣知道係咪因為過長所以唔敏感？同埋想問下我可以點樣做先可以幫佢體驗到高潮或者有感覺呢？
Hello~多謝你嘅提問
首先好欣賞你重視女朋友嘅應受，希望對方可以更享受性行為嘅過程。的確，陰蒂唔敏感有機會係因為包皮過長導致，不過都仲有好多因素影響嘅，例如刺激嘅觸覺、温度、速度等等。所以都有機會係因為你刺激陰蒂嘅方式唔啱，先令到對方冇feel。呢方面就需要你哋雙方多啲溝通同嘗試啦！
如果你唔確定佢係咪有包皮過長嘅問題，可以觀察下先。一般女性嘅陰部係由大陰唇、小陰唇同陰道組成，外型好似「花瓣」咁，但包皮過長嘅人陰部嘅「花瓣」會有較多嘅皺摺，而且會凸起，甚至已經造成生活上嘅各種不便，例如會因為「形狀」非常明顯而唔能夠著緊身褲同泳衣。另外，包皮過長嘅人會因為陰蒂上面嘅皮膚皺摺過長或過多，有藏污納垢嘅狀況發生，唔方便清潔，導致天氣熱嘅時候容易產生異味。你可以留意下你女朋友會唔會有呢方面嘅困擾，從而判斷佢有冇機會係包皮過長。
另外，除咗陰蒂之外，女仔亦都仲有兩個落容易達到高潮嘅部位，即係我哋經常聽到嘅A點同G點。但係因為呢兩個部位係陰道嘅深處，同埋佢哋其實唔係一個點，而係只陰道裏面嘅某一個區域。所以每個人嘅A點同G點嘅位置都唔同，就算你直接問你女朋友，佢可能都唔知係邊
，需要花啲時間去搵同埋探索。建議你哋可以嘗試吓唔同類型嘅性接觸同埋性姿勢，搵出最容易令對方高潮嘅位置同埋方式。你亦都可以考慮同你女朋友一齊去sex toy shop，選購唔同類型嘅性玩具，用嚟提升情趣同埋提供另類嘅刺激，都可以令到雙方容易啲高潮
。