有問題想問
今日同男朋友戴套做 過程都冇咩特別發生
之後佢有用手指幫我解決 無論係戴套定係用手
佢用嘅速度都唔慢 甚至好快
除左下面好濕好多水之外 之後都冇任何唔舒服
不過返到屋企見到條底褲有一pat乾左嘅奶白色分泌物 有d疑惑
聞落去就有浸condom嘅潤滑劑味 夾雜住少少酸酸地嘅味
呢d係咪我性興奮加潤滑劑嘅殘留分泌物?
同埋想問一般男仔嘅精液係咩味 定係冇味?
因為聽人講精液有好強嘅氣味 但係就唔識形容係咩味 少少confused
感謝解答
Hello~
市面上九成嘅安全套上面嘅潤滑液都係矽性潤滑液，佢哋本身係透明的，但係經過摩擦會變成奶白色，由於身體唔會吸收矽性潤滑液，佢哋係會隨時間自然排出體外～
至於陰道分泌嘅天然潤滑液，佢本身會有少少近似酸酸地味，因為陰道入面嘅酸鹼值係弱酸性至酸性，只要聞落冇魚腥味甚至臭味，就唔likely 有感染嘅問題喇～
而精液嘅氣味，一般嚟講會係比較隱約阿摩尼亞味加少少氯氣味，同時亦都因為精液含有果糖，有機會夾雜少少甜味，呢個組合加埋有啲特殊但又唔會話覺得臭，亦都唔會太強烈～ 男士嘅飲食係會改變上述組合嘅比重，如果食得多濃味嘢，精液嘅氣味都會濃烈啲～
睇番你嘅情況，啲奶白色嘅分泌物大機會係安全套上嘅矽性潤滑液同陰道天然分泌嘅潤滑液嘅混合～ 如果安全套喺使用後冇破損，脫下時亦無漏出精液，都唔大機會有係精液進入到陰道～
仲有，雖然你話冇任何唔舒服，但都建議你可以觀察下呢幾日嘅陰道分泌物，睇吓有冇顏色、質地同氣味嘅改變，如果冇嘅話就姐係冇乜感染發生～ 如果有唔同咗，可以參考以下呢張圖，可以初步判斷到有咩感染嘅可能性～ 如果有感覺到不適就記得去睇醫生啦！
希望可以幫到你 