急!!男朋友揸胸太用力搞到胸部忍忍作痛

是咁的 前幾日同男朋友性行為期間 懷疑佢因為有幾次揸我胸部揸得太用力 加上佢試過幾次咬我乳頭 搞到呢兩日掂到乳頭附近嘅位都會忍忍作痛:crying_cat_face:之前都試過係咁 都係痛 不過過多幾日就無事 但係今次如果又係咁會唔會有嚴重嘅影響?有咩方法舒緩痛楚或者快d好返?

Hello​:ok_woman:t2:相信嚴重嘅影響就唔會有嘅,但如果長期出現呢個情況,例如胸部痛呢個情況越嚟越頻密,因為性行為所導致嘅疼痛感持續,或者乳頭附近出現傷口,就有機會需要去睇醫生。另外都建議你可以同男朋友傾吓呢個問題,因為性行為始終係兩個人嘅事,可能係性行為期間會忽略咗呢個情況,所以可以喺下次進行性行為之前討論下呢個問題,咁就讓大家都更享受過程~

痛就未算好痛好痛 不過就好似按到瘀血嘅痛楚咁:cold_face:
係要等佢自然好定係點:crying_cat_face:

Hello 痛楚可能都會持續幾日,呢段期間最好就唔好再特別刺激到相關部位,即使發生性行為都好,都盡量避免刺激到相關地方,因為都要比啲時間等佢慢慢復原好返。你想嘅話,都可以按摩下胸部,特別係淋巴線嘅位置,都可以快啲令酸痛減除。如果你擔心,或者痛楚持續好耐都冇減退嘅話,就可能要睇醫生啦。同埋如果可以嘅話,都建議你同返你伴侶講你嘅情況,睇吓可唔可以搵到一個大家都舒服嘅方法進行性行為,避免再發生咁嘅情況,畢竟成日痛都唔係一件好事。

另外其實仲有一個可能性,就係你咁啱就快嚟月經,因為胸部痛都係其中一個常見嘅經前徵狀,你都可以留意下自己有胸部痛嘅時候會唔會係就快要嚟月經。

過左差唔多三至四日 如果冇特別掂到就無咩特別痛嘅感覺 但係乳頭特別敏感 輕輕摸會覺得好痕 唔係成個乳房掂到都痛 不過掂到乳暈附近位置會有壓痛感
因為我之前月經到都唔會有乳房脹痛嘅問題
但係星期一男朋友咬我乳頭之後 過左一日乳暈附近嘅位置開始唔舒服 乳頭乳暈附近掂下就痛 乳頭又特別敏感 易痕 屋企又冇消炎藥 又唔想睇醫生住

想問係發生咩事?係乳腺炎定係乳頭乳暈入面有瘀血?定係其他疾病?用冰敷定係熱敷?會持續幾多日?如果按摩可以點按 我驚按錯會加劇痛楚
想搞清楚d​:cry:唔好意思

因為就咁從文字去睇你嘅描述都比較難知道真實嘅情況,如果乳頭附近位置覺得痕嘅話,有機會係乳頭附近之前有傷口,為咗避免令佢有發炎或者感染嘅情況,都好似上面所講避免再接觸,或者發生性行為嘅時候再掂到附近位置。

至於係咪乳腺炎嘅情況,可以先解釋俾你聽乳腺炎係啲乜嘢。 乳腺炎係一種常見嘅乳房組織發炎疾病,可以分成哺乳期及非哺乳期乳腺炎兩種。哺乳期乳腺炎較常見,主要發生原係因為乳腺不通/阻塞,除左發炎部位出現紅、腫、熱、痛症狀外,可能會出現發燒以及疲勞嘅症狀。而非哺乳期嘅乳腺炎大多數同食菸同埋身體缺乏維生素A有關。所以根據你上述描述嘅情況,好少機會係乳腺炎,唔需要太擔心~

最後有關解決方法,因為都未知道乳頭位置痕嘅最主要原因,所以都唔建議自行去按摩胸部或者進行任何冰敷同熱敷。都建議你去睇醫生,搵清楚喂有咩原因導致呢個情況,咁就可以解除疑慮:sneezing_face: