我係女仔，2月4號同sp無套做過，跟住有啲擔心就係2月13號去左化驗所做左HIV RNA test(好似係7日空窗期就得)結果係not detected。
雖然係咁都係好擔心，所以噚日（21號）都去左社會衛生科診所做檢查，姑娘就話四星期後番去睇報告，5月尾再去做多次抽血檢查。我見網上話一般冇咩問題政府都唔會打電話黎，有啲人話只要過左前兩三日冇電話就基本上冇大問題，係唔係㗎⋯雖然做左RNA但係個心仲係好不安，咁啱呢兩日又腸胃炎肚痾，見到話hiv症狀都有呢啲，更加不安唔知點算好⋯
Hello~多謝你嘅提問
都明白你而家個心情係好忐忑嘅，唔知道自己究竟有冇中到性病，係會又焦慮又心急嘅
。不過呢度都要話返比你知，hiv最快要21日先驗到，所以你呢兩次做嘅測試都唔準確，可能要之後再去驗多次。關於hiv嘅檢驗可以參考以下網址：
至於呢個說法：
就未必係真嘅。因為社會衛生科每日需要檢測嘅性病種類同埋樣本都非常龐大，通常唔會咁快有結果，而政府亦唔會有太多額外嘅人手去打電話逐一通知，所以網上嘅資訊唔可以盡信。
至於你話腸胃炎肚痾方面，因為hiv嘅潛伏期係好長嘅，所以就算你感染咗hiv都好，都唔會咁快有徵狀。不過都想俾你知，其實性病都唔係剩係得愛滋病一種，其他類型嘅性病都需要提防。愛滋病相對其他性病對日常生活嘅影響其實並唔大，之所以為人所熟悉嘅原因，係因為當愛滋病發作嘅時候，身體健康會急轉直下，所以基本上只要發作就會導致死亡。但係其實有好多人及早發現自己患有愛滋病，積極配合治療，成功控制到個病毒，去到死之前都冇發作到。所以就算感染咗性病都唔等於世界末日。
最後都想提醒你，安全套係唯一一種能夠有效預防性病嘅安全措施，除非雙方都有定期驗身嘅習慣，如果唔係都會建議做足安全措施，避免懷孕同埋性病嘅傳播。